نرمين الفقي تقدم روشتة للسيدات للحفاظ على جمالهن: مفيش ست حلوة وست وحشة

كشفت الفنانة نرمين الفقي، كيفية حفاظها على على جمالها، إلى جانب حديثها عن مواصفات شريك أحلامها وغيرها من الأمور.

وقدمت نرمين الفقي روشتة للسيدات حتى يحافظن على جمالهن قائلة: يكون قلبهم حلو ويلعبوا رياضة ومش لازم جيم أنا أحيانًا بلعب رياضة في بيتي، والست لازم يكون فيها أكتر من حاجة مش مجرد جمال فقط، يعني تخلي بالها من جسمها ومن نفسها وتكون ست بيت وفي شغلها تبقى ست بجد شاطرة وتحافظ على نفسها قدر المستطاع وفي ناس كتير ناجحين وكويسين أوي.

وأكدت نرمين الفقي في لقاء تليفزيوني، أنه لا يوجد ست حلوة وأخرى سيئة، موضحة: مفيش حاجة اسمها ست حلوة وست وحشة، ولكن في ست هي اللي بتخلي نفسها وحشة فلو تخينة المفروض تخسس نفسها، وفي حاجة اسمها ست لما تفتح بقها بتكون عاوز تقول لها اسكتي ما تفتحيش بقك، وست مش مثقفة ومش مطلعة وده اللي بيوحش الست.

آخر أعمال نرمين الفقي 

ويُشار إلى أن نرمين الفقي تبلغ من العمر 50 عامًا، إذ إنها من مواليد يونيو 1972، ويعد آخر عمل شاركت فيه مسلسل أبو العروسة الجزء الثالث، من تأليف وإخراج هاني كمال، وبطولة مجموعة كبيرة من الفنانين منهم سيد رجب، سوسن بدر، مدحت صالح، نرمين الفقي، رانيا فريد شوقى، خالد كمال، ميدو عادل، ولاء الشريف، محمود حجازي، أحمد صيام، صفاء الطوخي، محمد حاتم، أماني كمال، ديانا هشام، وكارولين عزمي ورشا أمين وعدد آخر من الفنانين.