موهوب ومش بيمثل لأنه زوج نيللي كريم.. ماندو العدل يرد على منتقدي مشاركة هشام عاشور بمسلسل عملة نادرة
رد المخرج ماندو العدل على منتقدي مشاركة الفنان هشام عاشور في مسلسل عملة نادرة مع زوجته نيللي كريم، مؤكدًا أنه فنان موهوب ولم يدخل التمثيل بالواسطة.
وقال ماندو العدل تصريحات إذاعية: الناس متضايقة من هشام عاشور لأنه زوج نيللي وشايفين إنه بيشارك في الأعمال بالواسطة، إنما هو اشتغل معايا في فيلم الملحد، وحظنا بس أنه لسه منزلش وأنا اللي رشحته لمسلسل عملة نادرة، ومش فارق معايا طريقة الناس في التفكير والمهم النتيجة.
وأضاف: هشام عاشور في الأخر مش شغال لأنه زوج نيللي.. بالعكس تعاون مع ممثلين كتير منهم يسرا، وخلينا نحكم عليه من موهبته مش من صلة القرابة ليه نهاجمه؟، وبقول للمشاهد اتفرج وبعدين أحكم.
ماندو العدل يرد على شائعات خلاف نيللي كريم ومحمد رمضان
وفي وقت سابق، رد ماندو العدل على شائعات وجود خلاف بين نيللي كريم ومحمد رمضان في فيلم ع الزيرو، قائلًا: معنديش أي معلومة عن وجود خلاف بين نيللي كريم ومحمد رمضان في فيلم ع الزيرو، بالعكس صورت الفيلم وكل حاجة كانت عاجباها وكانت مبسوطة بالدور وشكرتنا آخر يوم تصوير.
وأضاف ماندو العدل: نيللي مخدتش إجازة بقالها فترة طويلة جدا من رمضان وسافرت وأخدت إجازة إنما مش زعلانة ولا علقت على الأفيش، ونيللي والعدل جروب سنين من النجاحات سوا، ولو فيه أي حاجة اتفقنا عليها أكيد هتتعمل، إنما فين الخلاف؟
