أحمد فهمي: حنان يوسف أول واحدة اتعلمت معاها تمثيل وكانت بتديني كورسات برايفت
كشف الفنان أحمد فهمي، كواليس مشهد ضرب الفنانة حنان يوسف له ضمن أحداث مسلسل سفاح الجيزة، مشيرا إلى أنها كانت معلمته الأولى في التمثيل.
وقال أحمد فهمي خلال حواره مع إنجي أبو السعود في بودكاست سفاح الجيزة المذاع عبر منصة شاهد: مشهد لما حنان يوسف ضربتني بالقلم اتعاد كتير عشان هي مكنتش قادرة تضرب جامد، وهي في المشهد ده خافت.
وتابع فهمي: وأنا بصتي في المشهد ده كانت مش طبيعية عشان كان جوايا مشاعر مخطلتة بين إن أنتِ السبب في كل حاجة، وفي نفس الوقت أنا من غيرها ولا حاجة، ففكرت في كل ده والريأكشن طلع لوحده.
كما كشف أحمد فهمي، أنه تعلم التمثيل في بداياته على يد حنان يوسف، قائلًا: حنان يوسف أول واحدة اتعلمت معاها تمثيل، كانت بتديني ورش تمثيل برايفت ومكناش مصدقين إن الأيام لفت وهي بتعمل أمي دلوقتي في المسلسل.
حنان يوسف تتحدث عن شخصيتها في سفاح الجيزة
من جانبه، تحدثت حنان يوسف عن شخصيتها في مسلسل سفاح الجيزة، من خلال تصريحات تليفزيونية، وقالت: تقمصت شخصية أم السفاح والحالة نفسها كانت مزعجة، علشان أعرف اتصرف في الشخصية، وشوفت شخصيات كده في الحقيقة لكن مكنش بالحدة دي.
مسلسل سفاح الجيزة
مسلسل سفاح الجيزة بطولة الفنان أحمد فهمي، وعدد من الفنانين، أبرزهم الفنانة ركين سعد، حنان يوسف، باسم سمرة، إنجي أبو السعود، ناهد رشدي، وغيرهم، والعمل من إخراج هادي الباجوري.
