كارمن سليمان: علاقتي بعمرو مصطفى كانت شبه مقطوعة وعملي أغنية روقاني ببلاش
كشفت الفنانة كارمن سليمان تفاصيل أغنيتها الجديدة روقاني، التي تعاونت خلالها مع الملحن عمرو مصطفى، بعد وعد قطعه لها منذ ما يزيد عن 11 عاما.
وقالت كارمن سليمان خلال لقائها مع القاهرة 24 ضاحكة عن عمرو مصطفى: تعتبر العلاقة كانت مقطوعة شوية.. مكناش بنتكلم خالص.
وأضافت: بس أغنية روقاني تقريبًا مش أول أغنية مع عمرو مصطفى، تعتبر التانية أو التالتة، ودول كانوا في احتفالات وطنية، بس مبعتبرهمش أغاني تمثلني لوحدي.. فكنت بقول إن ديه أول أغنية ليا أنا وعمرو، كأغنية ليا أنا وتخصني.
وأكملت كارمن سليمان: الموضوع أخد وقت طويل على ما نفذناه، والحمد لله إن ده حصل عمومًا وأكيد له وقت، ومبسوطة بيها ويارب تعجب الناس، وفعلًا كانت الأغنية ببلاش.
أغنية روقاني
وطرحت كارمن سليمان مؤخرًا أغنية روقاني عبر قناتها الرسمية على يوتيوب، قبل بضعة أيام، وهي من كلمات مصطفى ناصر، وألحان عمرو مصطفى، والمنتج الموسيقي ماهر الملاخ، وتصدرت الأغنية تريند يوتيوب.
وتقول كلمات أغنية روقاني: يا غالي غالي يا غالي عليّا.. بقالي ليالي هموت عليك.. ده وأنا مكاني مليت عينيا.. جيتلي ومجاش بعديك.. حبيبي حبيبي حبيبي أنا حابة.. أملي قلبي من عينيك.. ناولني أبو إيد اللي ربى.. تسلم إيدينه عليك.. الله الله عليك.. روقاني.. أنت السبب فيه.. على طول.. يلا يلا ياريت علشاني.. خليك رايق على طول.
