إيناس الدغيدي لـ يسرا: عندها ارتباط كبير بـ ربنا بالدعوات.. وأنا ساعات بكون ضدها
تحدثت الفنانة يسرا عن علاقتها بالله ومفهوم الفلوس بالنسبة لها قائلة: عندي ارتباط كبير بـ ربنا وهو أكبر سند ليا.
وقالت يسرا خلال ندوتها بمهرجان الجونة السينمائي: علاقتي بالفلوس أني مش عايزة احتاج لأي حد ولا أبقى مديونة لحد وأكون مستورة، وعلاقتي بربنا هي اللي قوتني في كل ظروف حياتي.
وأضافت يسرا: لو اتظلمت عارفه أن ربنا هيجبلي حقي وإيماني بالله هو أكبر سند ليا، وغلطة الشاطر كبيرة، وفي فترة من حياتي اختارت حاجات غلط اختارت شخص غلط ارتبطت بيه وصعب التسرع في الحاجات دي، وفي حاجات اختارتها بجهل في أول حياتي في الشغل.
ووجهت المخرجة إيناس الدغيدي كلمة لـ يسرا: عندها ارتباط كبير بربنا وبالدعوات وبالإيمان هتوصل للحاجة دي من خلال الدين ده، وأنا ساعات بكون ضدها وبقولها خلي الحياة أبسط من كده، وكانت عندها صعاب فظيعة في حياتها، ولكن هي دايما حاسة بكل مشاعر الناس وطول النهار بتروح جنازات ومستشفيات.
ندوة يسرا بمهرجان الجونة السينمائي
حضر عدد كبير من النجوم ندوة يسرا في مهرجان الجونة السينمائي، ومن أبرزهم: هدى المفتي، المخرج يسري نصر الله، ليلى علوي، نسرين طافش، وغيرهم من النجوم.
