عمرو سلامة: الناس بتشوف الفيلم القصير خطوة للمخرج المبتدئ ولكني بشوفه فن في حد ذاته| فيديو
علق المخرج عمرو سلامة على تصريحه السابق حول فيلمه الأخير شماريخ، بطولة الفنان آسر ياسين والفنانة أمينة خليل، ووصفه للعمل بأنه لا يحمل رسالة محددة.
عمرو سلامة يعلق على تجربة الفيلم القصير
وقال المخرج عمرو سلامة، أنا حابب أعمل اللي أنا حابب أعمله، وأكتر حاجة أنا محظوظ فيها إن اللي بحطه في دماغي بعمله في الآخر، ولو حاجة عجبتني هجري وراها، وأنا في الشغلانة دي عشان أجرب حاجات وأتعلم حاجات جديدة.
واستكمل سلامة: موضوع الفيلم القصير الناس شايفاه إنه خطوة للمخرج المبتدئ عشان يثبت نفسه للسوق التجاري ويخرج أفلام طويلة، وأنا كنت شايف كدة في البداية لكن النهاردة شايف إن الفيلم القصير ده هو فن في حد ذاته، وكنت مبسوط إن مهرجان الجونة عمل في الافتتاح بتاعه فيلم قصير، وده عشان الناس مبقتش تستحمل فيلم طويل بعد تعب وتحضيرات الافتتاح.
وعن فيلم شماريخ، علق المخرج عمرو سلامة: ألفريد هيتشكوك من أهم مخرجين التاريخ، قال أنت لو عندك رسالة ابعتها بالبريد، أنت مش محتاج تعمل فيلم عشان تقول رسالة، وأنا كـ عمرو كنت مقتنع في البداية إن أي فيلم هعمله لازم يغير الكون، ويكون له رسالة مهمة جدا، وده كان تفكيري في بداياتي.
وأضاف المخرج عمرو سلامة: لكن النهارده أنا شايف إن السينما أوسع من كده، الفيلم ممكن يكون بيقول رسالة وبيناقش قضية هامة، وممكن برضه يكون هدفه الأول والأخير هو إمتاع الناس.
