خبطه بالعربية واتقلبت 5 مرات.. شاهد عيان يكشف بالتحقيقات كيف وقع حادث الفنان أشرف عبد الغفور؟
حادث الفنان أشرف عبد الغفور.. يواصل القاهرة 24 نشر التحقيقات في واقعة حادث وفاة الفنان أشرف عبدالغفور وإصابة زوجته، إثر حادث سير بمنطقة أكتوبر، حيث حددت محكمة جنح أكتوبر جلسة يوم 29 يناير 2024؛ لنظر ثاني جلسات محاكمة الفنان التشكيلي المتسبب في الحادث للإعلان بالدعوى المدنية.
شاهد عيان بواقعة حادث الفنان أشرف عبد الغفور
وقال أحمد محمود، صاحب شركة استيراد وتصدير وشاهد عيان على الواقعة في أقواله أمام جهات التحقيق: أنا قاعد قدام ماونتن فيو عاملين عقد حراسة هناك لاقيت عربية جاية من الطريق بسرعة ولاقيتها دخلت فى عربية تانية من ورا ولاقيت العربية اللي اتخبطت قعدت تلف في الطريق حوالى 5 مرات والعربية اللي خبطتها لفت مرة واحدة.
وتابع شاهد عيان على واقعة مصرع الفنان أشرف عبد الغفور بسبب حادث سير: جريت بالكشاف وقفت الطريق وببص في العربية اللي اختبطت لاقيت فيها راجل سابقها وست كبار في السن ولاقيت الراجل اتحرك من مكانه واتقلب على الكرسي اللي جنب السواق فوق الست ونزلناه من العربية وكان فاقد الوعى بس كان عايش وبيتنفس ومراته كانت كويسة وبتتكلم بس متاخدة من الحادثة فطلبنا الإسعاف وجم وخدوه ومشيوا.
تفاصيل حادث وفاة أشرف عبد الغفور
وأضاف الشاهد في أقواله بالتحقيقات: في نفس الوقت الراجل اللي خبطه كان نزل من العربية وفضل قاعد جنبها ولحد ما كان في ضابط من القسم جه وبعدها لاقيت الإسعاف جت وخدت الواد اللي كان سايق اللي خبط الراجل وطلعت على المستشفى وكان معاه ضابط وبعدها جيت النيابة عشان تسأل وبس دا كل الى حصل.
