الإثنين 26 فبراير 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

محمود عامر عن منتقدي زواجه في سن الـ 68: ما حدش يعرف ظروفي إيه علشان أتجوز دلوقتي

محمود عامر
فن
محمود عامر
الإثنين 12/فبراير/2024 - 02:45 م

رد الفنان محمود عامر على منتقدي زواجه بعد تخطيه سن الـ 68 عامًا، قائلًا: “إيه اللي يضايق الناس في إني اتجوز، أنا مش قادر أفهم، أنا مخضوض وبحب الناس وبحب أسعد كل الناس”. 

وقال محمود عامر خلال لقائه مع القاهرة 24: هو كل شخص في الكون بيتجوز الناس بتسأله عندك كام سنة أنت أو العروسة، السؤال عن السن ده حاجة متخصش حد ولا هتفيد حد، أنا مواطن وإنسان عندي ظروفي الخاصة، وبمارس إنسانيتي زي ما ربنا سبحانه وتعالي أمرنا بأننا نتجوز.

وتابع محمود عامر: أي اللي يضايق الناس في إني اتجوز، أنا مش قادر أفهم، أنا مخضوض وبحب الناس وبحب أسعد كل الناس، فـ ليه الناس مستكترة عليا إني أسعد بحياتي الخاصة.

وأضاف محمود عامر، أن هناك حكمة تقول من حسن خصال المرء تركه ما لا يعنيه، معلقًا: أنت كزميل أو واحد بتابع فنان أي ذنب الفنان أن يسمع كلمة لا تليق أو فيها عدم الاحترام، البيوت مقفولة علي بعضها فأنت كمتابع يا تقول كلمة طيبة وتبارك يا متتكلمش.

وعلق محمود عامر على الشباب العشرينات الساخرين من زواجه، قائلا: أنت متعرفش ظروف الناس، هو أنا منعتك أنك تتجوز، أنت كشاب والظروف مش مساعدة، ليه متشتغلش يا أخي طب ما تشتغل على نفسك مفيش حد بيطلع مرة واحدة. 

واختتم محمود عامر حديثه قائلًا: أنت علشان تختار إنسانة وتكون من نصيبك وقسمتك لازم تتعب وتكافح، الجواز مش لعبة الجواز مسؤولية، وأنت كشاب لو عايز تعيش بحلال ربنا هيرزقك.

تابع مواقعنا