الفنان مصطفى سعد يتعرض للضرب من جاره بالإسكندرية: بهدلني ومرمطني قدام عيالي وهاخد حقي بالقانون| بث مباشر
نشر الفنان مصطفى سعد، مقطع فيديو عبر صفحته الرسمية على مواقع التواصل الاجتماعي، بعد تعرضه للضرب المبرح على يد أحد الأشخاص بمحافظة الإسكندرية.
الفنان مصطفى سعد يتعرض للضرب
وظهر الفنان مصطفى سعد، من خلال مقطع الفيديو، بعد تعرضه للضرب المبرح، وتظهر بوجه كدمات إثر تعرضه للكمات والصفع كما أنه ظهر والدماء تنهمر من فمه وأنفه، قائلا: يا جماعة دا وشي.. وأنا موجود في شارع حسن الحلواني.. وأول مرة أطلع لايف.. وفيه واحد ساكن في الشارع.. طلع وضربني.. ودا وشي أهوة.
وواصل قائلا: أنا عاوز حد يجيلي في الشارع.. وأدي وشي أهوة.. وأنا راكن عربيتي وهو قافل عليا.. وصاحب العربية نزل وانفعل عليا.. فالباشا التاني نزل وضربني.. وأنا عاوز حد يجي يجبلي حقي علشان مش هسيبه.. وعلى اللي عمله في وشي.. وهو قاعد فوق مستخبي.
وأضاف: بعد ما خرشمني جاي يعتذرلي.. وأدي اسكندرية.. ودا كله علشان عاوز أطلع علشان ألحق الصلاة.. وإزاي يمد إيده عليا قدام عيالي.. ويمرمط كرامتي في الشارع وأسيبه.. وهاخد حقي بالقانون.. وهجيب حقي بالقانون لأني مش بلطجي.
