عمره ما هيرد عليا.. رسالة قوية من كهربا لـ مجدي عبد الغني
علق محمود كهربا لاعب النادي الأهلي، على تصريحات مجدي عبد الغني نجم النادي الأهلي السابق ضده، والتي تسببت في أزمة بين الثنائي خلال الفترة الماضية.
تصريحات محمود كهربا
وقال لاعب النادي الأهلي محمود كهربا على أزمته مع مجدي عبد الغني: مضيت على بياض حبا في نادي الزمالك عشان أطلع إعارة لاتحاد جدة السعودي، وملوا العقد في 2017 وحطوا فيه 4 سنين، واتوثق في 2018، والمسئول عن ده كابتن مجدي عبد الغني.
وأوضح: مجدي عبد الغني ميعرفش حاجة عن حب وخير الأهلي عليه، ومصلحته أهم من حبه للأهلي، وليه أنا شاب تظلمني وأنا من دور ولادك، ومصالح بينه وبين ناس كتير، وجريت ورا حقي وده اللي خلص عليا، وشهد وبصم ومضى ضدي، ومواجهتوش لأن حقي عند ربنا، وكل يوم وطول العمر بقول حسبي الله ونعم الوكيل.
وأضاف محمود كهربا: أنا بالإنجازات اللي وصلتلها دلوقتي أكيد أنا مش ظالم، وربنا كرمني، وأنا عيل صغير بالنسباله وهرد عليه أقوله ايه، وعمره ما يعرف يرد عليا بحاجة، اتظلمت ظلم وحش أوي، وربنا جابلي حقي الحمدلله، وأحمد مجاهد في نفس مركب مجدي عبد الغني.
وأتم كهربا تصريحاته قائلا: طول حياتي مشتمتش الزمالك، وبحترمهم جدًا، ولازم يعرفوا إني مظلوم، ولما غلطت كنت في النادي، وغلطوا في أهلي، وأنا دخلت للزمالك مبلغ كبير في الإعارات حوالي 84 مليون في الوقت ده.
