إيناس الدغيدي: رفضت الزواج من صديقي بسبب ميوله الغريبة.. وأنا في آخر حياتي دلوقتي وعايزة ألف العالم
كشفت المخرجة إيناس الدغيدي عن رفض زواجها من صديقها صاحب الميول الغريبة، وعن قراءتها للفنجان باستمرار، ورؤية ليلى عبد اللطيف لها.
وقالت إيناس الدغيدي خلال برنامج أسرار التي تقدمه الإعلامية أميرة بدر على قناة النهار: عرض زواجي من صديقي صاحب الميول الغريبة رفضته، هو كان صديق بره عايش في إيطاليا، وكان سنه كبير وعارف إني عارفة وكان عايزنى عشان ابقى رفيقة، لأن سننا مش بتاع شهوة، وضحكت لما عرض عليا ويمكن يطبطب عليا وجنبه حد تاني من جنسه، ومكانش يعرف رد فعلي وحولت الموضوع هزار، كان رجل عربي، وصديقي ورجل محترم وبيعمل خير.
وأضافت إيناس: عمري ما حسدت حد، وبحب اشوف الفنجان، وكل شهر واحدة بتجيلي تقرالي الفنجان، لأني مقتنعة اني اللي بشوفه بحققه، وأخر مرة من أسبوع واحدة قالتلي هيجيلك موبايل هدية، قلت ايه الهبل ده، بعدها جالي تليفون هدية فعلًا استغربت جدًا، وفيه حاجات كتيرة بتتحقق، ورأيي في ليلى عبد اللطيف هي صديقتي لكن شافتلي مرة ومتحققش، عندي شراهه للسفر لما برجع من رحلة بفكر في اللي بعدها، وانا حاليا في آخر حياتي عايزة ألف العالم، يارب ابعتلى مليون دولار عشان ألف العالم، ونفسي اشتغل مع إلهام شاهين مسرح لأنها خريجة مسرح ولغتها كويسة.
برنامج أسرار
برنامج أسرار تقدمه الإعلامية أميرة بدر على شاشة النهار يوميًا خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
