رانيا يوسف: شخصية ياسمين في مسلسل وبقينا اتنين شدتني عشان شبهي
حلت الفنانة رانيا يوسف ضيفة على أحد البرامج التلفزيونية، وخلال لقائها تحدثت عن كواليس مشاركتها في مسلسل بقينا اتنين الذي عرض في الماراثون الرمضاني لهذا العام 2024.
وقالت رانيا يوسف: شخصية ياسمين شبه رانيا يوسف، شايلة مسؤولية البيت والأولاد وكل التفاصيل، آه الراجل بيطلع ويشتغل وبيجيب فلوس لكن معندوش التفاصيل بتاعت الستات.
وأضافت رانيا يوسف: أنا هادية جدا، ولكن لما بحس بظلم وإني شايلة فوق طاقتي ببتدي أعترض، لأن الحياة مش أكل وشرب بس، لازم الشريك اللي معاها يغزي مشاعرها بالحب والتقدير، بكلمة حلوة أو هدية، ولما الشريك مش بيكون كده الحمل بيكون تقيل وبيكون مفيش مخزون للمشاعر.
وعن كواليس تعاونها مع الفنان شريف منير، قالت رانيا يوسف: أول ما عرفت إنه هيكون معايا انبسطت جدا، لأنه فنان شاطر ودمه خفيف، وفي مشاهد كتير في المسلسل كنت بشوف فيها التجارب السابقة ليا، ومكنتش بمثل، وقلت الكلام ده قبل كده والمسلسل كان فيه كل التفاصيل الصغيرة.
مسلسل بقينا اتنين
يذكر أن مسلسل بقينا اتنين عرض في السباق الرمضاني لهذا العام، وحقق العمل نجاحا كبيرا وقت عرضه، وجاء العمل في إطار كوميدي درامي، حول قصة امرأة مطلقة تتحدى نظرة المجتمع لها، ومحاولة التصدي لتأثير قرار الانفصال عليها وعلى أولادها الشباب، وكذلك طليقها.
أبطال مسلسل بقينا اتنين
مسلسل بقينا اتنين بطولة شريف منير، رانيا يوسف، عمرو وهبة، تامر فرج، مروة عبد المنعم، ميمي جمال، تامر فرج، والعمل من تأليف أماني التونسي، وإخراج طارق رفعت.
