عمرو يوسف عن مشاركة يسرا في فيلم شقو: زي الكريزة اللي فوق التورتة
تحدث الفنان عمرو يوسف، عن مشاركة الفنانة يسرا في فيلم شقو، الذي يعرض حاليًا في دور العرض السينمائي وتصدر قائمة إيرادات شباك التذاكر منذ بداية عرضه بموسم عيد الفطر.
وقال عمرو يوسف، في لقائه مع القاهرة 24: الفيلم فيه كل حاجة أكشن ورومانسي وكوميدي، وأنا سعيد بالتجربة دي جدًا، وأهم حاجة أنه يعجب الناس وربنا يكرمنا، ويسرا عاملة زي الكريزة اللي فوق التورتة.
وتابع: اتعمل مجهود كبير في فيلم شقو، والحمد لله الفيلم طلع بشكل حلو جدًا من أول ما قرأت السيناريو وأنا كنت متحمس ومتأكد أن كريم السبكي هيطلع حاجة جديدة ومختلفة وده اللي حصل، وسعيد بالتجربة مع الكل والنجوم الكبار اللي اتشرفت أني واقف معاهم على القفيش.
وعن استعانته بـ دوبلير خلال أحداث فيلم شقو، فعلق عمرو يوسف: لأ مكنش عندي دوبلير في الفيلم ده، ولا عمري كان عندي دوبلير الحقيقة، الفيلم ده كان فيه حاجات صعبة أوي، والحمد لله قدرت أني أعملها والجمهور هيشوف ده.
فيلم شقو
ومن ناحية أخرى، أحتل فيلم شقو، شباك التذاكر منذ بداية عرضه في دور العرض السينمائي، يوم الأربعاء الماضي الذي تزامن مع أول أيام عيد الفطر المبارك، حيث حقق أرقامًا قياسية منذ طرحه.
أبطال فيلم شقو
فيلم شقو بطولة كلًا من: الفنان عمرو يوسف، محمد ممدوح (تايسون) الفنانة دينا الشربيني، وأمينة خليل، ووليد فواز، محمد جمعة، وعدد آخر من الفنانين، والعمل من تأليف وسام صبري وإخراج كريم السبكي.
