الشاهدة على حرق الكلاب بـ مريوط تروي تفاصيل الواقعة.. ودانا حمدان تعلق

نشرت الفنانة دانا حمدان مقطع فيديو لسيدة تدعى نيفين بحسابها الرسمي على إنستجرام، والذي علقت فيه على واقعة حرق الكلاب في منطقة كينج مريوط، التي تتضمن حرق وتعذيب كلاب من قبل شاب في المنطقة.

الشاهدة على حرق الكلاب بمنطقة كينج مريوط تروي تفاصيل الواقعة

أوضحت نيفين أنها تسكن بمنطقة العامرية، ومعتادة على إطعام كلاب الشارع في المنطقة كل يوم صباحا، فتقول: الكلاب بتجيلي الصبح عشان تاكل، وهما 6 كلاب مسالمين جدا.

وأشارت في حديثها إلى أن الكلاب المستهدفة في الحادث اختطفها الشباب بالمنطقة من قبل ورموها في البير، وتابعت: تاني يوم طلعنا الكلب الحمد لله، والدفاع المدني والقوات المسلحة كانوا معانا، والدنيا كلها اتحركت.

وأضافت: نفس الكلب ده مع كلب تاني أخدهم شاب في الشارع هنا، ضربهم لحد الموت وحرقهم وأنا نشرت الفيديو من شوية، ومش شايفة ناس اتفاعلت عليه.

واستغاثت بالمشاهدين قائلة: أنا بس عايزه الناس تقولي أعمل ايه؟، كلمت النجدة أكتر من 6 مرات عشان يحضروا ويثبتوا الواقعة، لأن أنا لو مشيت من المنطقه الكلاب دي هتتشال، ومش هيبقالهم أثر.

واختتمت حديثها قائلة: صورت الكلاب بعد ما اتحرقت لكن مكتشفتش ده إلا النهارده بعد العصر، لأن ده حصل وقت قطع الكهربا من 2 لـ 4، حد يقولي اعمل ايه أنا مش قادره أستوعب فكره إني اسكت وخلاص.

تعليق دانا حمدان على الفيديو 

وعلقت الفنانة دانا حمدان على فيديو السيدة نيفين قائلة: أنا عارفة ناس كتير هتحشر 6 آلاف موضوع في أي حاجة تخص الكلاب والقطط، بس لازم تفهموا إن اللي يجيله قلب يتفرج على كلاب بتتحرق بالشكل البشع ده عمدًا ممكن جدا يموت إنسان.