الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

ريم العدل ترد على هجوم سامح عبد العزيز لكاملة أبو ذكري بواقعة تدينه (صورة)

القاهرة 24
فن
الأحد 12/مايو/2019 - 01:27 م

نشرت مصممة الأزياء ريم العدل ردا ًحاداً بعد هجوم المخرج سامح عبد العزيز على المخرجة كاملة أبو ذكري، والتى شاركت فى إخراج بعض حلقات زي الشمس بطولة الفنانة دينا الشربيني، وذلك عبر صفحتها الشخصية بموقع التواصل الاجتماعي فيس بوك.

منشور ريم العدل بعد هجوم سامح عبد العزيز
منشور ريم العدل بعد هجوم سامح عبد العزيز

وكتبت العدل: “أنا كان نفسي ما فتحش الموضوع ده خالص وكنت والله فرحانة لأصحابي الممثلين اللي الناس طايرة بيهم و بأداءهم وبشكلهم ولبسهم حتي لو الكردت راح لحد تاني، بس بيني وبين نفسي أنا عارفة ان ده شغلنا اللي تعبنا فيه، وقولت هسكت خالص مش هتكلم، بس صحيت النهاردة علي بوست من الاستاذ سامح عبد العزيز عدي كل التوقعات..!!

وأضافت:”يا أستاذ سامح الزمالة ليها احترامها ولو حضرتك كنت كلمت الاستاذة كاملة قبل ما تدخل مكانها ما كنش حد زعل، ولما الناس سقفت علي الحلقات اللي هي عاملة ٩٥٪؜ منها، كنت حضرتك رديت قولت ده شغل كاملة لحد دلوقتي، والشكر ليها كنّا سقفنا لحضرتك و احترمنا ادبك واحترامك لزمايلك وشغل زمايلك وكنا اتمنينالك من كل قلبنا تكمل الحلقات بنفس المستوي والله.! طبيعي ان دمها يتحرك لما شغلها يتسقف لحد تاني عليه لكن مش طبيعي ان حضرتك تكتب بوست زي ده علي زميلة.. انا عندي ذهول من الطريقة حقيقي!!.

وتابعت:”أستاذ خالد عزام قبل ما يروح مكاني في المسلسل كلمني وقال لي لو مش عايزاني أروح مش هروح، عشان راجل بيحترم شغله ومهنته وزمايله وأنا بالمناسبة أصغر من أستاذ خالد ده أستاذ من قبل ما انا أدخل الشغلانة، بس هو تعامل معيا بكل أدب واحترام مش عشاني بس عشان أخلاق واحترام اتربينا عليها في المهنة دي من واحنا صغيرين”.

واختتمت كلامها:” بالمناسبة يا أستاذ من سنتين كده كنّا بنعمل فيلم اسمه حملة فريزر مع الاستاذ كريم العدل وحصل مشكلة مع كريم ومشي، وكلموا حضرتك عشان تيجي تكمل وحضرتك روحت برضه ومارفعتش سماعة التليفون علي كريم، يمكن عشان هو مخرج صغير وحضرتك طبعاً مخرج كبير، ربنا يوفق حضرتك وربنا يديك علي قد احترامك لمهنتك وزمايلك”.

كاملة أبو ذكري: عاجبكم شغلي وأنا مخترتش الممثلين ولا الأداء ولا الديكور.. الفجر زاد عن حده

هاجم المخرج سامح عبد العزيز المخرجة كاملة أبو ذكري، في استمرار لحالة الاحتداد بينهما المثارة منذ فترة بسبب مسلسل “زي الشمس” التي تجسد بطولته النجمة دينا الشربيني.

وقال سامح في منشور على حسابه الرسمي على موقع التواصل الاجتماعي “فيس بوك”: قبضت نص فلوسك يا رخيص، ورميت شغلك وعيالك بعقد موقق في نقابة، أهم اتصرفوا.. اندب بقا على عشان ساعتين ونص من أصل 18.

وتابع: “دخلنا اللوكيشن بتاعك لقيناه كوافير حريمي، وياريت ظبطت إيقاع مشهد واحد في المونتاج، احنا اللي بنظبطلك شغلك، عشان احنا سلاطين الـ cut الشرقي، مادام الأم هربت من البيت يبقى لازم نشوف أب بديل. وعاد سامح ليمسح المنشور، ليستعيض عن كل ما سبق بقوله: “والكاظمين الغيظ والعافين عن الناس . حاضر” وكانت المخرجة كاملة أبو ذكري قد صرحت عبر حسابها الرسمي على موقع التواصل الإجتماعي “فيس بوك” وقالت: “أبسطها يا محترم كنت ما تحطش إسمك علي شغل إنت ما عملتوش”.

وانسحبت المُخرجة كاملة أبو ذكري، من مسلسلها “زي الشمس”، الذي تخوض به دينا الشربيني البطولة المُطلقة الثانية لها.

سامح عبد العزيز يرد على كاملة أبو ذكري: الأم هربت من البيت يبقى لازم نشوف أب بديل

وتابعت كاملة:”لا إخترت الديكورات و كل أماكن التصوير حتي الحلقه الـ 30 حلقة تقريبا، ولا الممثلين من كبيرهم لصغيرهم، ولا شكلهم، و لا طريقة أداءهم، و لا الألوان، ولا اشتغلت مع السيناريست، بالساعات علي الحلقات كنت تحط إسمك علي شغلك يا محترم”.

وأردفت:” لا ده إنت كمان بتقول مبسوط أوي إن عاجبكم شغلي، أنا الحقيقه كنت مش عايزه أتكلم، بس الفجر زاد عن حده”.

وكشف مصدر من داخل فريق العمل لـ”القاهرة 24″، أن سبب انسحاب المُخرجة كاملة أبو ذكري، من المسلسل، هو عدم ارتياحها لتعاملات دينا الشربيني نظراً لتدخلها الدائم في صميم عملها كمُخرجة، وأيضاً تعليقاتها المستمرة، وحدثت مشادة كلامية بينهم نتج عنها قرار كاملة بالانسحاب هي وكل فريق عمل الإخراج، وحتى مصممة الأزياء الخاصة بالمسلسل ريم العدل.

تابع مواقعنا