هاني رمزي: “أنا برقص على المهرجانات.. ليه تمنعوها؟؟” (صور وفيديو)
حل الفنان هاني رمزي ضيفًا في ندوة أدارها إبراهيم أبو ذكري رئيس اتحاد المنتجين العرب، مع إخوته إيهاب وأمير رمزي، بكلية الحقوق جامعة القاهرة، تحت عنوان “صورة المحامي في الدراما المصرية”، اليوم الاثنين 9 مارس.
وتحدث عن رأيه في الفنان محمد رمضان، وخاصةً بعد الأزمات الأخيرة التي تعرض لها، وعلق قائلًا: “أنا مش من حقي أقيم فنان، أنا ضد المنع، ولكن كل واحد ينقي اللي يليق بيه ويتفرج عليه، احنا مش ملايكة ومش كل حاجة بنعملها بتبقى عظيمة، مش كل أفلامنا عبقرية وفن راقي”.
وتابع: “واحنا بنحاول نختار سيناريوهات تقدم فن راقي، مش كل الأعمال اللي بنعملها فيها قضايا ورسائل عظيمة وأنا شخصيًا مبحبش الفنانين اللي يطعلوا ويبقوا مثقفين أوي، بيحسسونا أنهم عندهم علم وثقافة يتباهو بيهم على الناس”.
أما عند سؤاله عن رأيه في لون المهرجانات، فكان رده كالآتي: “بسمع مهرجانات طبعًا وبرقص عليها، يعني عادي زيي زي باقي الناس، دلوقتي المهرجانات بقى فن موجود، عدوية لما طلع قالوا عليه بلاوي، هو دخل الفن في منطقة تانية خالص، وأصبح علامة من علامات الفن المصري للون الشعبي”.
واسترسل حديثه قائلًا: “مفيش حاجة ممنوعة، انهارده هتمنع ظهورهم على التلفزيون مش هتعرف نمنعهم من الإنترنت والسوشيال ميديا، أنت بتمنع إيه، هنا السؤال”.
فيروس كورونا يتسبب في إلغاء برنامج مقالب هاني رمزي رمضان 2020 (فيديو)
كما وجه الفنان هاني رمزي رفضه لقرار الفنان هاني شاكر نقيب المهن الموسيقية، وقال: “هاني شاكر صديقي جدًا وشوفته من يومين وسالته ليه منعت، ليه كدا، كدا هتخلي الناس تتعلق أكتر، والواحد في إيده إنه يختار الفن واللي بيليق عليه وعلى مزاجه، وكل الناس مختلفين، مين بقا نمبر وان ونمبر تو، أنا مقدرش أقول، دي حاجة نسبية، ولولا اختلاف الأذواق لبارت السلع”.
وخلال الندوة تحدث رمزي عن بداية مشواره الفني، وأنه سلك طريقًا أخر غير مسار العائلة الذين اتجهوا للقانون وفاق عدد المحامين والعاملين بالقانون عن الـ 85 فردًا، كما أنه استعان باستشارات أهله في بعض الأفلام كام في فيلم “محامي خلع”، الذي جسد خلاله دور بدر النواساني المحامي الذي ترافع في قضية خلع للفنانة داليا البحيري.
