“مفيش فن هابط”.. أول تعليق من دينا مراجيح على انتقادات ظهورها في “ليه لأ”
أثارت دينا مراجيح وصديقها يوسف جو جدلاً كبيرًا، عبر مواقع التواصل الاجتماعي، خلال الساعات الماضية، بعد ظهورهم في مشهد من مسلسل “ليه لأ” لأمينة خليل، حيث رأى البعض بأن ظهورهم قلل من قيمة العمل.
وردت دينا مراجيح على الجمهور من خلال “القاهرة 24″، وسردت كيف تم الاتفاق معها على المسلسل، قائلة: “لما طلبت مننا المخرجة مريم أبو عوف إننا نمثل الدور ده وافقنا، وعملناه زي ما قالت لنا، أما بالنسبة للانتقادات فعادي احنا متعودين على كده، مش أول مرة نتعرض للانتقاد”.
وأضافت: “خدونا علشان احنا تريند بالفيديوهات اللي بنعملها وبتنجح والناس بتحبها، وشافوا إننا أكتر ناس مناسبة للدور، وقريب جدًا هنظهر في حاجات تانية وعندنا لسة مفاجآت”.
بسنت شوقي تعلق على انتقادات “ليه لأ” بسبب دينا مراجيح: “ده مشهد يا أوڤر منك له”
ورفضت ما وجه لها من انتقادات وأكدت بحب الناس لها، قائلة: “أنا نجحت علشان دمي خفيف، والناس بتحبني، ودايمًا بيدعو لي بالخير، والإخراج اختارني علشان هعرف اعمل الدور ده كويس، ومفيش حاجة اسمها فن هابط، ونفس المشكلة حصلت قبل كدة مع حسن شاكوش وحمو بيكا، وقعدوا برضو يقولوا فن هابط”.
واستكملت حديثها عن سبب حب الناس، فقالت: “احنا علشان طالعين من الشارع، على طول بنوصل للناس، لكن اللي بيطلع من بيئة تانية مش بيقدر يوصل أسرع، لإننا بنعرف الناس عايزة ايه وبنعمله على طول، وبنوصله ليهم بسرعة”.
وتواصل “القاهرة 24” مع مريم أبو عوف، مخرجة العمل، وردت على تلك الانتقادات وقالت بإنها ترى أنهم موهوبين، ووجودهم في ذلك الدور مناسب، كما رفضت التنمر الذي يتعرضون له، بسبب شكلهم وطريقتهم في الحديث.
ويشارك بمسلسل “ليه لأ” كلا من أمينة خليل، هالة صدقي، شيرين رضا، مريم الخشت، هاني عادل، ناردين فرج، عمر السعيد، عمر الشناوي، محمد الشرنوبي، تأليف مريم نعوم، وإخراج مريم أبو عوف.
مخرجة مسلسل “ليه لأ” ترد على منتقدي ظهور دينا مراجيح ويوسف جو: “موهوبين” (خاص)
