المؤلفة نجلاء الحديني تكشف القصة الحقيقية وراء حكاية “لازم أعيش”
حل أبطال الحكاية السادسة “لازم أعيش” من مسلسل “إلا أنا”، ضيوفًا على برنامج “مساء dmc” مع الإعلامي رامي رضوان، بعد نجاح الحكاية وتصدرها تريند مختلف مواقع التواصل الاجتماعي وجوجل.
وقالت الفنانة جميلة عوض: “عمري في حياتي ما أخدت قرار أسرع من قرار خوضي المسلسل دا، روحت مضيت تاني يوم، لأني متحمسة جدًا للرسالة اللي بيناقشها الموضوع، لأني كنت مهتمة بيها، وقريتها كلها في وقت قليل”، مشيرةً إلى أنها خائفة حتى الآن من مشاهدة حلقاتها.
وأردفت المخرجة مريم أحمدي: “إخراج الـ 10 حلقات هي مسئولية أصعب، الـ 10 حلقات مواضيعها مهمة ومختلفة، وإخراجيًا بنعوز نخرجهم بشكل تقني عالي”.
وأضافت المؤلفة نجلاء الحديني: “تطور أحداث الـ10 حلقات ميعتبروش كتير، مفيش مشهد نقول إننا نقدر نحذفه، وكل قفلة حلقة كانت مشدودة”.
وقصت الحكاية الحقيقية وراء كتابتها لـ “لازم أعيش”: “أنا من فترة طويلة قابلت ست بسيطة وحكيتلي مشكلة بنتها المصابة بالبهاق اللي لبست نقاب بسبب انتقادات الناس، واتقدملها عريس ومكنوش عارفين يقولوله ازاي عن البهاق، ورسالتي هي إننا لازم نقبل الناس مهما كان اختلافهم، وبلاش نجرح الناس”.
جميلة عوض: “أنا ضد التنمر لمرضى البهاق.. والميك أب كان صعب جدًا”
طرح الإعلان التشويقي الأول لحكاية “لازم أعيش” لجميلة عوض (فيديو)
