عصام صاصا في أول ظهور بعد الأزمة: ربنا جعلني سبب رزق لبنات المتوفى.. واللي عملته خلاني أعرف أنام
تحدث مؤدي المهرجانات عصام صاصا، عن تفاصيل أزمته وانقضاء فترة عقوبته، موضحًا أنه لم يسبقه أي معرفة بالمتوفى الذي صدمه بسيارته.
وقال عصام صاصا، في حواره مع الإعلامية ياسمين عز، في برنامجها كلام الناس: المتوفى مكنش في بيني وبينه أي حاجة، واللي حصل كنت ماشي على الطريق ونصيبي وقدري وقدره أنه يموت على إيد فلان الفلاني، وربنا ممكن يكون جعلني سبب خير ورزق لـ بناته الأربعة، والناس شافت عكس كده وأني بدوس على الناس بفلوسي وأنا أقل خلق الله.
وأضاف عصام صاصا: البني آدم مننا لو شاف قطة معدية بيعمل كل حاجة علشان ميخبطهاش، ومن حق أي حد يرسم الخيال اللي عايزه وربنا شاهد أني كنت في وعيي ولو مكنتش في وعيي كنت جريت، أنا كنت مصدوم وطلبت الشرطة والإسعاف، ولو كنت مشيت مكنتش هعرف أنام، واللي عملته خلاني دلوقتي أعرف أنام وراضيت بناته.
وواصل: اتعلمت أني أتعامل مع كل الناس عادي بس أنا عارف الشخص اللي قدامي وأحلله مليار مرة قبل ما آمن له، حد صاحبي موقفش جنبي وأنا مدتش ليه فرصة أنه يبرر ليا وعمره ما هيرجع لربع المكانة اللي كان فيها.
خروج عصام صاصا من السجن
وكانت نيابة جنوب الجيزة، قررت في فبراير الماضي، إخلاء سبيل مؤدي المهرجانات عصام صاصا، الذي قضى فترة سجن 6 أشهر في قضية اتهامه بتعاطي مواد مُخدرة خلال قيادة سيارته، بعدما قدم دفاع المتهم ما يُثبت سداد الغرامات المالية المقررة في قضايا عدة.
وشاركت زوجة مؤدي المهرجانات عصام صاصا، جهاد ماهر، مقطع فيديو رفقة زوجها بعد خروجه من السجن، عبر حسابها على إنستجرام، وعلق خلاله قائلًا: أحلى ناس في الدنيا كلها واحشني هطلع أتكلم معاكم بس الدنيا تهدى.
