إنجي المقدم: انتقادات السوشيال ميديا تفيد أحيانا.. ونجاح الآخرين لا ينقص من نجاحي
وجهت الفنانة إنجي المقدم، رسالة للسيدات، موضحة أن هناك بعض الانتقادات الخاصة بالسوشيال ميديا تستفيد منها وتلفت لها.
وقالت إنجي المقدم لـ القاهرة 24: أقول للمرأة كوني قوية وواثقة من نفسك، كوني أنثى، متلعبيش دور مش بتاعك إحنا مش رجالة، إحنا ستات وبنكمل بعض، خليكي فخورة بأنوثتك وكونك امرأة.
وتابعت: إحنا مش زي الرجالة ولا عايزين نبقى زي الرجالة، إحنا لينا دورنا اللي بنعمله والرجالة ليهم دورهم اللي بيعملوه، وبنكمل بعض.
وعن رأيها في فكرة المنافسة، أوضحت: نجاح الآخر مبينقصش من نجاحنا خالص، ولما بشوف ست موهوبة وشاطرة وناجحة دي حاجة إضافة ليا وبحس كأن أنا اللي نجحت، وإحنا كبني آدمين كلنا واحد.
إنجي المقدم عن تعاملها مع الانتقادات على السوشيال ميديا
وبشأن كيفية تعامله مع الانتقادات، أضافت المقدم:الانتقادات على السوشيال ميديا أحيانًا بتفيد وبتعلم منها وبشوف عندهم حق وممكن أخد بيها وأركز معها، لكن لو انتقاد من غير سبب مبركزش فيه، ونجاح الآخرين مبينقصش من نجاحي.
يشار إلى أن مسلسل سيد الناس، آخر أعمال إنجي المقدم، الذي عرض ضمن السباق الرمضاني الماضي لعام 2025، والعمل من بطولة عمرو سعد ويشارك به عدد آخر من الفنانين ومن بينهم: ريم مصطفى، إلهام شاهين، أحمد زاهر، أحمد رزق، وعدد آخر من الفنانين.
