إنجي وجدان: الست تقدر تعمل أي حاجة.. وأرفض دخول بنتي التمثيل في السن ده
كشفت الفنانة إنجي وجدان، عن موقفها من دخول ابنتها الوسط الفني والتمثيل خلال الوقت الحالي، بجانب توجهيها رسالة للمرأة ونصيحة للفتيات الصغيرات بضرورة الثقة بالنفس.
وقالت إنجي وجدان، في لقائها مع القاهرة 24: بقول للمرأة خليكي قوية وأنا مقتنعة أن الست تقدر تعمل أي حاجة، متستهونوش ومتستقلوش بنفسكم، ومتخلوش حد يستقل بيكم.
أما عن موقفها من دخول ابنتها مجال التمثيل والوسط الفني خلال الوقت الحالي، فعلقت إنجي وجدان: موافقش أن بنتي تدخل التمثيل في السن ده، لما تكبر وتعدي الـ 20 سنة.
إنجي وجدان تكشف سر خسارة وزنها
وسبق وكشفت إنجي وجدان، في لقائها مع القاهرة 24، سر خسارة وزنها، قائلة: أنا مكنتش ناوية أقول ولكني عملت عملية تحويل مسار وريحت دماغي، وعمري ما إتأثرت بالانتقادات، ولكن أنا ابني عنده 9 سنين وبنتي 4 سنين محتاجين واحدة معاهم تجري وتلعب، وأنا بعد الولادة التانية حاولت أخس كتير وانتظمت في الدايت ومكنتش بخس، وبحب الرياضة ومبقدرش ألعب عشان تعبانة، وبدأ ضهري وركبي وأنا طول عمري صحتي كويسة، ومن ساعة ما بطلت رياضة صحتي تدهورت، فقولت لازم أعمل حاجة عشان ولادي وصحتي.
وأوضحت إنجي وجدان، أنها لم تعاني من مضاعفات العملية، قائلة: العملية لغاية دلوقتي الحمد لله أنا تمام وكويسة وتحاليلي كويسة، وبحاول أخد فيتامينات واختياراتي في الأكل أحسن من الأول كتير، وبحاول أرجع ألعب رياضة.
