مروة عبد المنعم: لو اتحجبت هيجيلي شغل أكتر وربنا هيختبرني.. ونفسي أموت محجبة وشهيدة
تحدثت الفنانة مروة عبد المنعم عن إمكانية ارتدائها الحجاب، موضحة أنها كان سترتديه بالفعل خلال الفترة الماضية، ولكنها تراجعت خوفًا من خلعها له، مؤكدة أنها سيُعرض عليها العديد من الأدوار الفنية فور ارتدائها للحجاب، معربة عن أمنيتها الكبيرة في ارتداء الحجاب قبل رحيلها.
وقالت مروة عبد المنعم، في تصريحات تليفزيونية: أنا مؤمنة بعبادة جبر الخواطر لأن العبادة مش صوم وصلاة بس، والحجاب فرض والناس كفرتني ودخلوني النار لأني مش محجبة، وأنا مؤمنة إني هتعاقب على الحجاب ولكن يمكن قبل ما أموت بيوم اتحجب، وأتمنى إني أموت وأنا مقضية كل فروضي ومحجبة، وجت عليا فترة قلت إني هتحجب ولكني خفت يكون ده قرار نتيجة خنقة وبعدين أقلعه بعد كده، ويا رب أموت محجبة وشهيدة.
وتابعت مروة عبد المنعم: والدتي بتدعيلي ليل نهار إني اتحجب، وهي بتقولي أنا عارفة أنك طيبة وهتخشي الجنة من أعمالك وكمليها بالحجاب، وأنا لو اتحجبت هيجيلي شغل أكتر، لأن ربنا هيختبرني وخايفة أكون ضعيفة وخفت من الفتنة، ولقيت نفسي لسه بحب التمثيل، وأنا عايزة أتحجب ولو جاتلي أي أدوار يا أعملها وأنا محجبة يا أرفض، والشيطان هيحلل ليا حاجات كتير.
مروة عبد المنعم: لما أنزل القبر هتسأل عن الصلاة مش الحجاب
وكانت تعرضت الفنانة مروة عبد المنعم، لموجة انتقادات شديدة، بسبب حديثها عن الحجاب، حيث قالت في تصريحات تليفزيونية سابقة: أنا مؤمنة بالحجاب لكن يوم ما هنزل القبر هتسأل على الصلاة مش الحجاب، مش علشان مش محجبة أبقى كافرة ومعرفش ودي ثقافة بشعة وفاهمين الدين غلط.
