مصطفى فتحي: يورتشيتش مدرب كويس رغم أنه مهيبر
تحدث مصطفى فتحي، لاعب فريق الكرة الأول بنادي بيراميدز، عن التتويج بلقب دوري أبطال إفريقيا للمرة الأولى في تاريخه.
تصريحات مصطفى فتحي
وقال مصطفى فتحي في تصريحات تليفزيونية: يورتشيتش فرق معانا كتير جدًا، وحفزنا كتير جدًا واستفدنا منه.
وأضاف: مباراة الجيش الملكي في المغرب وأورلاندو في القاهرة كانت أصعب مباريات بيراميدز في دوري أبطال إفريقيا.
وتابع: كان جوانا حاجة بتقول إننا مش هنخسر لما أورلاندو بيسجل فينا أهداف في القاهرة، وبقينا بندوّر على مصلحة بيراميدز فقط، ويورتشيتش لا بد أن ينال حقه.
وأوضح: يورتشيتش نافس بـ بيراميدز على 3 بطولات هذا الموسم لآخر نفس، ويعمل بشكل مميز، وبحترم يورتشيتش جدًا وبعتذرله جدًا على اللقطة اللي حصلت مني في مباراة الأهلي، ودا مش الطبيعي بتاعي بس إحنا كنا مضغوطين واتعصبت عشان خرجت بدري وأنا كنت بلعب وأنا مصاب.
واختتم مصطفى فتحي تصريحاته: هو شخصية كويسة رغم أنه مهيبر، وبيقولي روح للشيبي قوله اللي أنا عايز أقولهوله، لأن الشيبي عصبي زيه برضه.
