إيه المشكلة إنه يتجوز؟.. أول تعليق من شقيق عريس متلازمة داون على حفل الزفاف
تصدر مقطع فيديو لعروسين تريند منصات التواصل الاجتماعي، إذ تداول مستخدمو السوشيال ميديا، فيديو لحفل زفاف عروسين بالشرقية، ظهر فيه عريس من أصحاب متلازمة داون بجوار زوجته غير المصابة بالمتلازمة، والتي ظهرت دموعها خلال الزفاف، مما أثار حالة من الجدل بشأن مدى اكتمال أركان هذا الزواج.
أول تعليق من شقيق عريس متلازمة داون المثير للجدل
وقال شقيق عريس متلازمة داون في تصريحات خاصة لـ القاهرة 24: أيه المشكلة لما يتجوز فيها إيه يعني مش زيه زي أي إنسان طبيعي وبني آدم مفيهاش أي حاجة.
وأضاف شقيق عريس متلازمة داون: الموضوع جه لما والدي كان بيسأل واحد عنده عروسة لمحمد وروحنا اتقدمنا وأهلها وافقوا وهي وافقت يعني هترفض ليه وهما من حقهم يتمتعوا بالدنيا مش أكتر وشايفهم زي أي راجل وبنت عادي أي اللي فيها.
وأكمل: بالنسبة للناس اللي بتقول العروسة مغصوبة مفيش حد يقدر يغصب بنت على الجواز وهي لو مجبورة تتجوزه هتروح كوافير ليه وتلبس فستان وتحط مكياج مش معقول يعني نجبرها والناس شايفين عروسة وفرح ومعازيم والعريس راح جابها من الكوافير يبقى إزاي مغصوبة على الجواز؟
وفي نفس السياق، قال الدكتور إبراهيم سليم، رئيس مجلس إدارة صندوق المأذونين الشرعيين إن الزواج صحيح ومكتمل الأركان، وفقًا لرأي جمهور الفقهاء والمذاهب الـ 4 موضحًا أن شروط صحة عقد القران هي وجود الزوج والزوجة والولي والشهود والايجاب والقبول، لافتًا إلى أن المأذون ينظر في صحة عقد الزواج وعدم وجود موانع شرعية، وفقا لتصريحاته للقاهرة 24.
