سيد عبدالحفيظ ينتقد أداء ريبيرو: "مفيش رد فعل.. والمؤشرات مقلقة"
أبدى سيد عبدالحفيظ، مدير الكرة السابق بالنادي الأهلي، قلقه من أداء المدير الفني الجديد للفريق، ريكاردو ريبيرو، مشيرًا إلى أن ردود فعله خلال المباريات تكاد تكون منعدمة، رغم امتلاكه فترة كافية للتعرف على الفريق قبل بداية مشواره الرسمي.
سيد عبدالحفيظ ينتقد أداء ريبيرو: "مفيش رد فعل.. والمؤشرات مقلقة"
وقال عبدالحفيظ في تصريحات تلفزيونية": "أنا مش لاقي أي رد فعل لريبيرو في الماتشات.. الراجل هادئ زيادة عن اللزوم، وكان عنده 50 يوم يدرس الأهلي واللاعيبة، ودي مش فترة قليلة. جمهور الأهلي كان متفائل، لكن الأداء غير متوقع".
وأضاف: "مش عايز أحكم عليه بشكل مطلق، بس في مؤشرات مقلقة جدًا. الهدف التاني بتاع بالميراس مثلًا، جه من مرتدة بعد كورة ثابتة لينا! المفروض المدير الفني يكون واقف اللاعيبة صح. احنا كنا واقفين إزاي؟ والكورة فين؟ واحنا فين؟ والمدرب فين؟".
موعد مباراة الأهلي المقبلة
ويلعب فريق الكرة بالنادي الأهلي مع نظيره بورتو، فجر الثلاثاء المقبل في المباراة التي تجمع بينهما في ختام دور المجموعات لبطولة كأس العالم للأندية 2025.
