بعد ضرب قطر.. إلهام شاهين: إيران مش هدفها البلد نفسها ولا الدول العربية
علقت الفنانة إلهام شاهين، على تداول تصريحها الأخير -الخناقة مفيهاش الأمة العربية- بعد الأحداث الأخيرة التي حدثت في قطر عقب ضرب قاعدة العديد العسكرية من قِبل إيران.
وقالت إلهام شاهين خلال تصريحات لـ القاهرة 24: مكنتش عارفة آجي مصر بسبب غلق المطار في العراق ولما قولت المنطقة العربية كان المقصود منها العراق فقط، مش الدول العربية بشكل عام، وقولت الحرب بين إسرائيل وإيران لكن المنطقة العربية مفيهاش حاجة، وأقصد هنا المنطقة اللي هي العراق لأنها بين إسرائيل وإيران جغرافيا، قالولي أومال فلسطين إيه، أنا مالي ومال فلسطين هي فلسطين هي اللي منعتني أرجع مصر؟
وواصلت إلهام شاهين: وقولت إننا مش في خطر عشان بتكلم عن حرب محددة وهي إسرائيل وإيران والعراقيل اللي خلتني مش عارفة أرجع مصر كلامي، معتقدش إن الحكاية هتكبر في قطر، مجرد بيضربوا القواعد بتاعة أمريكا في قطر لكن هما مش عايزين يضربوا البلد في حد ذاتها ولا يهمهم يضربوا البلاد العربية وهتعدي إن شاء الله.
عودة إلهام شاهين من العراق
وسبق والتقى القاهرة 24 بالفنانة إلهام شاهين، في مطار القاهرة الدولي، بعد عودتها من العراق مع الإعلامية هالة سرحان، وقالت: مانمتش بقالي 48 ساعة وكنت قلقانة مارجعش بلدي، الشعب المصري أطيب قلب والتعليقات اللي كانت بتجيلي كانت كتير، وكان فيه أعداء بيهاجموني وبقولهم: ماتشغلوش بالكم بيا أموت أو أعيش، مش بقولكم طبطبوا عليا الحب دا من عند ربنا.. ولكن انسوني وشيلوني من دماغكم.
