شيكابالا يكشف كواليس جلسته مع حسين لبيب للتجديد لـ زيزو
كشف محمود عبد الرازق شيكابالا كواليس جلسته مع حسين لبيب رئيس نادي الزمالك للتجديد مع أحمد سيد زيزو لاعب الفريق الذي انتقال إلى صفوف النادي الأهلي.
تصريحات شيكابالا
وقال شيكابالا في تصريحات تليفزيونية: قعدت مع حسين لبيب من سنة قولتله انت معاك فلوس تجدد لزيزو ولو نادي الزمالك مش هيقدر يبقا نبيعه ونجيب 3 أو 4 لاعيبة نشيل اسم النادي ولكن في ناس خايفة من المواجهة وانه هيروح نادي تاني، طب ما يروح نادي تاني ايه المشكلة، أهم حاجة كنت اعمل أي حاجة بس متسيبش زيزو يمشي ببلاش، وبالمناسبة كان عنده عروض تانية غير الأهلي، لكن دا قراره.
وأكد شيكابالا في تصريحاته: قولت لـ حسين لبيب احنا هنظبط أوضة اللبس ولو مفيش نبيعه ونستفيد ماديا ونجيب 4 لاعبين كبار نقوي به الفريق، وزيزو كان يقدر يمشي يروح أي نادي تاني وكان عنده عروض قوية.
وأتم تصريحاته: الزمالك خد السوبر الإفريقي وكأس مصر عشان معاه مدرب كبير، وأيمن الرمادي مدرب مميز جدا وقوي وراجل محترم وكل ما يقال عنه غير صحيح ولن يقدم اي شكوي ضد الزمالك.
