قرار جديد في محاكمة ممرض بتهمة التسبب في وفاة الصغير محمود
قررت محكمة جنح التجمع، المنعقدة في مجمع محاكم القاهرة الجديدة، إحالة محاكمة ممرض بتهمة التسبب في وفاة طفل في منطقة التجمع إلى دائرة أخرى لنظر القضية.
وفاة الصغير محمود بسبب حقنة مضاد حيوي
وتعقد محكمة جنح التجمع الخامس، اليوم السبت 5 يوليو، نظر أولى جلسات محاكمة ش. ل، فني صحي تمريض ورعاية بمستشفى تبارك، بتهمة الإخلال الجسيم بما تفرضه عليه أصول وظيفته.
وقال المحامي هيثم بسام، دفاع محمود طفل واقعة مستشفى تبارك ضحية الحقنة، إن جهات التحقيق أحالت فني صحي تمريض ورعاية بمستشفى تبارك لمحكمة جنح التجمع الخامس.
وأضاف بسام في تصريحات خاصة لـ القاهرة 24، أن المتهم تم إحالته طبقا لنص المادة 238 فقرة من قانون العقوبات المصري، والذي يعاقب بالحبس والغرامة.
وفي وقت سابق، قالت والدة محمود طفل واقعة مستشفى تبارك في التحقيقات: اللي حصل إن ابني محمود عنده 4 سنين و9 أشهر، في يوم 2024/8/25 كان مريض وعنده سخونة ودرجة حرارته مرتفعة، وأنا فحصته وفتحت بوقه فلقيت عنده زي صديد جوه، فشكيت إن عنده اللوز، وفعلا طلعت بابني على مستشفى تبارك، اللي في التجمع الخامس حوالي الساعة 1.30 صباحا، ودخلت بابني كشفت في العيادات الخارجية، وفيه دكتور أنا معرفش اسمه دخل كشف على ابني بالسماعة، وفتحله بقه وشخّص ابني إن اللوز عنده ملتهبة، وقرر ينقل لابني محاليل.
وأضافت: الدكتور وصفله حقنة مضاد حيوي، وفيه ممرض معرفش اسمه عمل اختبار لابني على إيده، عشان يعرف هو هيستقبل المضاد الحيوي ولا لأ، ودي بإنه يعمل دايرة بقلم على إيده ويديله جزء بسيط من الحقنة بتاعة المضاد الحيوي ويستنى يشوف دراع ابني هيحمر ولا لأ، وفعلا الممرض عمل الاختبار ده لابني، والدكتور كان موجود ساعتها وبعدها بحوالي 5 دقائق إيد ابني احمرت، والممرض قالي إن كده ابني عنده حساسية ومينفعش ياخذ الحقنة، والدكتور المعالج قال إن ابني ياخذ الحقنة على الرغم من نتيجة الاختبار.
