مصطفى حدوتة: مفيش فنان النجاح معاه مضمون حتى محمد رمضان.. وأغنياتي الأفضل بألبومات عمرو دياب
أعرب الشاعر الغنائي مصطفى حدوتة عن سعادته الكبيرة بتعاونه مع الفنان عمرو دياب في ألبومه الجديد، بجانب حديثه عن فكرة ضمان النجاح رفقة فنان معين.
وقال مصطفى حدوتة في لقائه مع القاهرة 24: بتبسط في كل مرة بشتغل مع الهضبة عمرو دياب وكل مرة بتكلم معاه وكل مرة بسمعه فيها، مش فكرة النجاح مضمون مع عمرو دياب، ولكن هو بيعطش جمهوره أوي علشان الألبوم كله ينزل ويتسمع كله، والفكرة في المنافسة وأن إزاي تبقى الأنجح وأغنيتك تبقى ملفتة في الألبوم، زي أغنية يا قمر كانت الأغنية الوحيدة اللي تفوقت على الكل بتوفيق ربنا بعد المجهود، والفكرة لما تنجح تبقى الأنجح.
وعن فكرة ضمان النجاح رفقة فنان معين، أضاف: مفيش فنان النجاح معاه مضمون حتى محمد رمضان، أنا عندي أغاني مع محمد رمضان منجحتش أو الناس متفقتش معاها، وعندي أغاني نجحت وفي غيرها نجاحها محدود، أنا بالنسبة ليا النجاح يعني بتسمع أغنية في كل حتة وكل وقت، يعني الناس كلها اتفقت أنها تشغل الأغنية دي
وتطرق مصطفى حدوتة في حديثه إلى التريند، قائلًا: التريند مبيمثلش ليا أي حاجة، الفكرة في أغنية السنة، يعني السنة اللي فاتت كان عندي أغنية أنا بابا ويا قمر، أنا كده تمام، واللي أقصده إزاي تبقى منور.
