أبو: أنا صوفي وأتمنى أنشد ديني.. وأشك إني أسجل القرآن بصوتي
علق المطرب أبو، على إمكانية اتجاهه للإنشاد الديني، وذلك بسبب تمسكه بالطرق الصوفية، وإمكانية تسجيل القرآن الكريم بصوته.
أبو: أنا صوفي وأتمنى أنشد ديني وأشك إني أسجل القرآن بصوتي
وقال أبو، في لقائه مع القاهرة 24: أنا صوفي الحمد لله، وأتمنى أنشد ديني وهتيجي في وقتها، أنا بحس أنه لازم يبقى طبيعي وهيجي في وقته مش في مواسم خاصة أن في البعض بيعمل أناشيد دينية في المواسم الدينية.
وعن إمكانية تسجيل القرآن الكريم بصوته، فعلق أبو: الله أعلم ممكن أسجل القرآن بصوتي ولا لأ، ولكن أشك لأن قراءة القرآن دي ليها ناسها وشروطها ولكن ربنا يكتبلنا.
أبو: الأغاني مفيش فيها حرمانية
وكان علق المطرب أبو، على الجدل المثار خلال الفترة الماضية بسبب حرمانية الغناء، بعدما وصى المطرب الشاب الراحل أحمد عامر، بحذف أغانيه عقب وفاته، قائلًا: أنا لو بعمل حاجة وعارف إن هي حرام مش هعملها، 100% بدون أدنى شك مش شايف أي حرمانية في الأغاني، دلوقتي المحتوى بقى قصف وقتل والوحيد اللي بيخلينا نسمى بـ نفسنا هو الفن سواء أغاني أفلام، المحتوى مهم بيعرف يطلع نفس البني آدم شوية.
وواصل: قولًا واحدًا مفيش حرمانية في الأغاني بالنسبة ليا، بلاقي فنانين كتير أوي بيقولوا على الأغاني حرام وعايزين يشيلوها قبل ما يموتوا، نصيحتي ليهم يشوفوا حاجة تانية يعملوها، لأنهم لو بيعيشوا بيعملوا حاجة كل يوم وعارفين أن هي حرام فحرام عليهم.
