أبرز تصريحات آدم الشرقاوي: مكنتش شايف نفسي ممثل شاطر بسبب التعليقات السلبية.. وفكرت كلام الناس هيقعدني في البيت
حل الفنان الشاب آدم الشرقاوي، ضيفًا على الإعلامية منى الشاذلي، وتحدث خلال اللقاء، عن تفاصيل الوعكة الصحية والأزمة النفسية التي مر بها وكانت السبب في ابتعاده عن الساحة الفنية طوال العاميين الماضيين.
أبرز تصريحات آدم الشرقاوي
- بعد ما خلصت فيلم شماريخ دخلت في اكتئاب لأني مكنتش واثق في نفسي ولا كنت شايف نفسي ممثل شاطر.
- كنت بشوف بوستات على السوشيال ميديا إن العربي بتاعي مش مظبوط، فقلت هو أنا ينفع أمثل ولا لأ.
- مشكلة الكلى ظهرت قبل ده بكتير ولكني مكنتش عارف، قعدت فترة وزني بينزل وبيزيد بسرعة، فأنا مكنتش فاهم ليه ولكني كنت بنزل جيم ولقيت جسمي مليان ماية ووزني مش راضي ينزل، وبعدين دخلت مرحلة الاكتئاب.
- مقولتش لحد على اللي بيحصلي علشان ميقولوش عليا ضعيف أو يقولوا إني مبعرفش أحل مشاكلي.
- رفضت عروض شغل لأني كنت شايف أني مش ممثل شاطر خالص بسبب كلام الناس.
- التعليقات السلبية كانت بتأثر عليا وكنت متخيل إنها هتخليني مشتغلش أو أقعد في البيت.
أوحش مرحلة كنت 115 كيلو ومخي كان بايظ، النجاة بالنسبة ليا أول ما شفت أمي في أمريكا، هي شافت إن فيه حاجة غلط ولكن مكنتش بتحكم ولا بتلومني.
