مصطفى جاد: ألبوم أصح غلطة هيكون نقلة.. ودايمًا ربنا كارمني مع كارمن سليمان
تحدث المنتج والملحن مصطفى جاد، عن ألبوم زوجته الفنانة كارمن سليمان، الذي يحمل عنوان أصح غلطة، معربًا عن سعادته الكبيرة بالنجاح الذي حققه الألبوم منذ طرحه عبر يوتيوب ومنصات الاستماع.
وقال مصطفى جاد، في لقائه مع القاهرة 24: ألبوم أصح غلطة هيكون نقلة في مسيرة كارمن سليمان، وفكرة الأغاني السينجل كانت فكرتي والألبوم كان فكرتي، وده بيعتمد على أنت بتقدم إيه، والألبوم قراره كان خلاص عرفنا السكة والطريق وهنقدم للناس جرعة أكبر، وبناء على رد فعل الجمهور هنشوف هنزود الجرعة دي ولا نقلل منها، وتنفيذ الألبوم أمتع من السينجل، والسينجل أصعب من الألبوم، وكان تحدي وربنا وفقني دايمًا مع كارمن.
وتابع: أنا كنت صاحب فكرة كل أسبوع ننزل أغنية من الألبوم، الأول ناس كانت معترضة على طريقة طرح الأغاني ولكن لما شافوا أن كل أغنية تنزل لوحدها أفضل وبتتسمع أحسن عرفوا أني عندي حق.
مصطفى جاد يعلق على أزمته مع أحمد حلمي
وكان علق مصطفى جاد، على الجدل الذي أثير حول أزمته مع الفنان أحمد حلمي، عقب انتشار مقطع فيديو خلال الفترة الماضية ظهر فيه حلمي وهو يوجه له جملة مصري وصف أول؟!، قائلًا: أنا مش عايز أقول كلام يستفز الناس، بس والله العظيم الموضوع مخدش مني غير المكالمة اللي حصلت بيني وبين أحمد حلمي علشان الموقف، ومدة الفيديو اللي صورته علشان أرد غيبة الراجل، أكتر من كده مفكرتش في الموضوع دقيقة، أنا عمري ما خدت تقييمي من حد فمش هشغل بالي الناس بتقول إيه.
