نجوى فؤاد ترد على شائعة زواجها من لطفي لبيب: هو مش من ديني
نعت الفنانة نجوى فؤاد الفنان الراحل لطفي لبيب، نافيةَ شائعة زواجهما التي طالتها منذ فترة طويلة.
وقالت نجوى فؤاد خلال تصريحات تليفزيونية لـ برنامج بنظرة تانية: لطفي لبيب الله يرحمه كان بيطلع علينا شائعات زواج، إزاي اتجوزه وهو مش من ديني؟ ده أخ وكان بيوجهني دايما.
وأضافت: أنا يوم ما هعتزل الفن هطلع أحج الأول وأشوف مشروع صغير لأن نقابتنا مش سائلة فينا خالص.
كما استغاثت نجوى فؤاد بوزير الثقافة، قائلة: نداء لوزير الثقافة إنه ينتبه لينا الفنانين اللي عملوا مشوار كبير وبياخدوا ملاليم.. عايزين نعيش عيشة آدمية ومش عايزة أقعد في دار مسنين ومعنديش بيت مِلك والأدوية والدكاترة بقوا غاليين.
وتابعت: بدور على مشروع صغير لأن معاشي 600 جنيه في الشهر، دول ميجيبوش عيش، هدور على حاجة أشتغلها، قضيت عمري كله في المشوار الفني، مع الناس اللي حبتني، هسعى على شغل واللي يدور يلاقي، والأعمار بيد الله محدش عارف عمره إمتى.
نجوى فؤاد: بعاني من تآكل في الركبتين
وعلى جانب آخر، سبق وأكدت نجوى فؤاد إنها تمر بأزمة شديدة بسبب وجود تآكل في ركبتيها الاثنتين، حيث قالت: الحمد لله أنا أحسن شوية ولكن في تآكل في الركبتين عندي وده بياخد وقت لفترة العلاج وممكن أخضع لعملية جراحية خلال الفترة المقبلة لأن لازم أعمل عملية فيهم، مشيرة أنها لم تُحدد حتى الآن الموعد النهائي للعملية مع الدكتور الخاص به.
