اعترافات لورا راقصة الساحل الشمالي: الفيديوهات بتاعتي ونشرتها للتسلية وجذب المشاهدين

وقفت الراقصة لورا، راقصة الساحل الشمالي، أمام جهات التحقيق تكشف عن كافة التفاصيل المتعلقة بنشاطها على مواقع التواصل الاجتماعي، بعد انتشار مقاطع فيديو عبر حساباتها تضمنت إيحاءات وألفاظ غير لائقة، وخروجها عن قيم وعادات المجتمع المصري، إلى جانب احتوائها على محتوى خادش للحياء العام.

اعترافات لورا راقصة الساحل الشمالي

وأمام جهات التحقيق قالت لورا: أنا مواليد 1999/8/23، من أسيوط، حاصلة على دبلوم تجاري، وأقيم في 11 شارع الحجاز مصر الجديدة، القاهرة، وشغلي الأساسي فنانة استعراضية، ودخلي الأساسي من الرقص، وبصرف على شغلي من بدل ومستلزمات خاصة، وعندي حساب بنكي واحد فيه 5 آلاف جنيه، أما بالنسبة للحسابات على مواقع التواصل، عندي بس الواتس وبستخدمه للتواصل مع صحابي.

وحول نشأتها وظروفها، قالت لورا: بعد ما خلصت الثانوية وحصلت على الدبلوم، اشتغلت في أعمال استعراضية من 2018، وفي 2023 حصلتلي مشكلة في العمل وقعدت فترة في البيت، كنت بصرف على نفسي من شغلي، ووضعي المادي متوسط، ومحصلش إني أمارس أعمال منافية مقابل مبالغ مالية، كل اللي كان عندي كان نشاط فني، وأنا كنت بنشر بعض المقاطع للتسلية ولجذب المشاهدين على حساباتي".

وأضافت: جم خدوني من شقتنا في مصر الجديدة  وكان معايا والدتي دخلوا الشقة وخدوا الفلوس والتليفونات، وبعدها نزلوني على الإدارة العامة للحماية الاجتماعية علشان فيديو اللي عندي على الصفحات على مواقع التواصل الاجتماعي، وقلتلهم: لا، أنا مفيش عندي أي حسابات بنشر فيها حاجة، وعن الهواتف المضبوطة معها، قالت: فيه أربع هواتف، الأول آيفون ذهبي ده بتاعي، والتاني رمادي ده ملك والدتي، والثالث آيفون أبيض ملك أخويا، والرابع سامسونج أسود للبيت، والمبلغ المالي اللي كان معاهم 23 ألف و500 جنيه كان بتاعي، والبواريك الثلاثة اللي كانوا موجودين في الكيس الأسود خاصة بيا، لكن الزجاجة الخمر مش بتاعتي ومش عارفة عنها حاجة.

وأوضحت لورا ما حدث وقت ضبطها: اتمسكت في شقتنا، وكان معايا والدتي، وقالوا إن عندي حسابات على فيس بوك وتيك توك وإنستجرام وسناب شات، وكنت دايمًا بنشر مقاطع، بس أنا الحقيقة ماكنش عندي أي صفحات باسمي، والفيديوهات اللي كانت موجودة على التليفون اللي اتسرق كانت بتاعتي.

أما عن سبب قيامها بنشر بعض المقاطع، قالت: أنا كنت بنشر بعض المقاطع على التطبيقات المختلفة زي إنستجرام وتيك توك ويوتيوب علشان أحصل على أكبر عدد من المشاهدات وأحقق دخل مادي من النشاط ده، وكنت بعرض فيه مفاتني والأماكن الحساسة بجسدي واستخدم ألفاظ وحركات، وكل ده كان بهدف التربح من المشاهدات، خصوصًا من بعض المتابعين من الدول العربية".

القبض على الراقصة بديعة بتهمة التحريض على الفسق

التحقيقات تكشف مفاجآت في اتهام الراقصة لورا بنشر فيديوهات خادشة للحياء| خاص

وأمام جهات التحقيق، أكدت لورا: "الفيديوهات اللي اتعرضت عليا في التحقيقات كانت خاصة بيا، لكن أنا منشرتهاش على الإنترنت بسبب سرقة الهاتف، ومحررتش محاضر عن سرقة التليفون لأنني ماكنتش عارفة إنه هينتشر لي".

وحول المضبوطات، قالت: "التليفونات اللي كانت معي بعضها ملكي، وبعضها ملك عائلتي، والفلوس بتاعتي والبواريك خاصة بيا، أما الزجاجة الحمراء مش عارفة عنها حاجة، وخلصت كل القضايا اللي عليا، ومافيش أي قضية حالية أو نشاط مخالف القانون دلوقتي".

وأنكرت الراقصة لورا: “تهم الاعتياد على ممارسة الأعمال المنافية، والتحريض على الفجور، وإدارة حسابات على مواقع التواصل لغرض غير قانوني، وتعاطي مواد كحولية، موضحة” كل نشاطي كان مجرد أعمال فنية واستعراضية ونشر بعض المقاطع الخاصة بيا بهدف التسلية وتحقيق دخل من المشاهدات".