حظك قليل في الدنيا.. تلميذة المخرج المسرحي عمرو سامي تكشف سبب وفاته
كشفت إحدى تلاميذات المخرج المسرحي عمرو سامي، عن تفاصيل وفاته، موضحة أنه تعرض لوعكة صحية خلال الفترة الماضية أٌصيب بها بـ جلطة وشلل، معربة عن صدمتها الكبيرة بفقدانه.
وكتبت عبر فيس بوك: والله عقلي رافض يصدق والله دكتوري والي كنت بعتبره ابويا من يوم مدخلت الكليه مات، عقلي رافض يستوعب وقبل كده رفض يستوعب تعبك والجلطه والشلل وانك نسيت حاجات كتير بس سبحان الله كنت حاسس بينا وبالي بيحبوك كنت فاكرني وكنت بزورك وبسافرلك لحد متحسنت ونزلت شغلك.
وتابعت: آه مكنش اتعافيت ومحدش كان بيفهمك بس أنا كنت ببقي مبسوطة وأنت بتقول عاوز ناهد بنتي عشان أنا اللي بفهم طريقة كلامك وبفهم عاوز إيه وبفهم عاوز تمشي الشغل إزاي بالرغم أن الكل قال أنك كده خلاص بس أنت كنت عندك عزيمة وربنا كان بيحبك ونزلت شغلك تاني وعلقتنا بيك تاني وادتنا أمل أنك بتتحسن واشتغلت الترم ده معاك، وادتنا أمل أنك وهترجع تاني للقسم بتاعك اللي كان قايم حرفيا بيك وإحنا كنا بنحبك أوي أوي لدرجة أني مش قادرة استوعب أني مش هشوفك تاني؟.
وواصلت: مش هتخليني أمسك كل مشاريعك وتقولي أنتي بنتي وواثق فيكي، طب ده أنت اللي من يوم مدخلت الكلية وقولتلي هتبقي معيدة أنتي شاطرة وفضلت معايا لآخر الطريق، ربنا يصبر قلوبنا ويصبر قلب ولادك الصغيرين وعيلتك وكل حبايبك حظك قليل في الدنيا بس أكيد عند ربنا كله بالثواب والأجر وأنت كنت ونعم المعلم والأستاذ.. ربنا يرحمك ويغفرلك ويجعلك في الفردوس الأعلى.
