أديت الراجل 5 جنيه وعارفة إن ربنا هيرزقني أكتر منها.. أول تعليق من صغيرة كيس الشيبسي: نفسي أطلع دكتورة
تصدرت صغيرة كيس الشيبسي مواقع التواصل الاجتماعي، بعدما انتشر لها فيديو مع أحد المحتاجين في الشارع تنازلت عن شراء كيس شيبسي لمساعدته.
أول تعليق من صغيرة كيس الشيبسي
وقالت هايدي محمد صغيرة كيس الشيبسي في تصريحات خاصة لـ القاهرة 24: دايمًا بحب أساعد الصغار والناس المحتاجين، تعودت على كده من زمان أوي، وعمو في السوبر ماركت جري ورايا عشان يديني كيس شيبسي تاني بس أنا مرضتش أخده وقولتله لا شكرًا، بابا مش بيحرمني من حاجة خالص.. بقول ربنا يخليلي بابا علطول.
وأضافت هايدي بطلة تريند كيس الشيبسي: كنت باخد دروسي وبعدين بروح أنام شوية وأصحى أذاكر وأقعد بليل شوية وبعدين أنام، الراجل لما شوفته صعب عليّا أوي وعشان كده أديته 5 جنيه تمن كيس الشيبسي، هو غلبان ومحتاج وعادي ياخدها ربنا أكيد هيرزقني أكتر من الـ 5 جنيه.
وتابعت هايدي: من أكتر المواقف اللي لسه فاكراها من فترة كبيرة، كنت في السوبر ماركت مرة وكان فيه ست كبيرة، عاوزة حاجة الراجل زعقلها وكانت هتمشي، صعبت عليا وأديتها 10 جنيه بتاعتي كنت هجيب بيها آيس كريم، ونفسي لما أكبر أطلع دكتورة وأساعد الناس كلها ده حلمي اللي نفسي أحققه.
