طلبات تكشف حقيقة وفاة عامل توصيل قبل تسليمه أوردر لأحد العملاء│خاص
كشفت شركة طلبات، حقيقة تعرض سائق توصيل لديها للوفاة، في أثناء توصيل أحد الطلبات.
وأوضح مصدر مسئول بالشركة لـ القاهرة 24، أن سائق التوصيل الذي تعرض لحادث سير مؤخرا وتداولته منصات التواصل الاجتماعي بخير، وقد تلقى الرعاية الطبية الكاملة، وهو الآن في حالة صحية جيدة.
ووجه الشكر لكل من أظهر اهتمامه وحرصه على سلامة سائقي التوصيل، لدى الشركة.
تفاصيل الواقعة لمنتشرة
وكان قد استنكر أحد مستخدمي مواقع التواصل الاجتماعي في منشور شاركه عبر حسابه على فيسبوك، تعامل شركة توصيل مع موظفيها من الطيارين بعد وفاة عامل.
عميل يشارك واقعة مؤسفة
وشارك منشورا عبر حسابه على فيسبوك كتب فيه: جايلي أوردر من شركة توصيل فالأوردر اتأخر فلقيت مكالمة من خدمة العملاء بيقولولي بنعتذر الأوردر اتأخر بس الطيار وهو جايلك مات، فـ أنا تنحت وبقوله يعني إيه مات؟، قالي حضرتك لو مش مصدقني أنا هبعتلك فيديو، وفيه طيار تاني جايبلك الأوردر وهييجي على طول.
وتابع: أنا عمال اسأل يعني إيه مات؟ مات ازاي، قالي مات في حادثة، أنا كل اللي مستغربه إن بتاع خدمة العملاء شايف إنه يطمني إن الأوردر هيوصل وده أهم من إنه فيه شخص مات!!!.
وأضاف: يعني تمام هو بيحاول يعمل شغله وكل حاجة بس هل الطبيعي إن أنا كعميل لما أعرف إن الطيار مات، وهو جايبلي أوردر اتعصب واتجنن إن الأوردر اتأخر وطظ في الشخص اللي مات ده؟، هل قيمة الأوردر أكبر من حياة الشخص اللي مات؟ وهو الناس حصلها إيه؟ يعني مش معترض على إنه بيحاول يطمني على الأوردر بتاعي، بس في الآخر في واحد مات وهو بيعمل شغله، وأنا لو عندي ذرة إنسانية أكيد هتفهم اللي حصل ده، أنا مخضوض جدا إننا بنفكر كدة، وحاجة على جنب لشركة Talabat.
