طالبين مستندات والعيادة مفتوحة.. أول تعليق من طبيب النساء والتوليد بعد إغلاق وزارة الصحة مركزه بالجيزة | خاص
تصدر طبيب نساء وتوليد، يُدعى محمد البلاصي بمحافظة الجيزة تريند مواقع التواصل الاجتماعي خلال الساعات القليلة الماضية، بعد ظهوره في فيديو يرقص بـ طفل حديث الولادة على أغاني مهرجانات وهو جالس فوق سرير الولادة، ما أثار ردود فعل غاضبة عبر منصات التواصل الاجتماعي ومطالب بالتحقيق معه وهو ما دفع وزارة الصحة لإصدار قرار بغلق مركز الطبيب في الحوامدية بالجيزة.
أول تعليق من طبيب النساء والتوليد بعد إغلاق وزارة الصحة مركزه بالجيزة
وقال دكتور محمد البلاصي في تصريحات خاصة لـ القاهرة 24: طالبين شوية مستندات ومحصلش حاجة ومحصلش إغلاق للمركز ولا حاجة، كل المطلوب مننا شوية مستندات، وأنا دلوقتي شغال طبيعي في العيادة بتاعتي.
وتابع: كل الكلام ده ملوش أي أساس من الحقيقة ووزارة الصحة مشكورة طلبوا مني أوراق هتتراجع من الوزارة وحاليًا موجود حالات بتكشف عندي في المركز والمكان مفتوح الحمد لله.
وفي وقت سابق، أوضح دكتور محمد البلاصي في تصريحات خاصة لـ القاهرة 24: الفيديو اللي أنا طلعته من على صفحتي وكنت برقص فيه مفيهوش أي حاجة خارجة أو شاذة، فيديو طبيعي ومش مستاهل كل الضجة اللي حصلت عليه، وهو اليوم كان جميل وكنا كلنا مبسوطين علشان السيدة دي بقالها كتير بتحاول تخلف ومكنتش عارفه فكنا مبسوطين باليوم والأب والأسرة كانوا موجودين كلهم.
