مروة عبد المنعم تكشف حقيقة خضوعها لعملية تجميل: معملتش حاجة غير إني رجعت لنفسي وقلت لها ما تزعليش
كشفت الفنانة مروة عبد المنعم حقيقة ما تردد حول خضوعها لعمليات تجميل، مؤكدة أنها لم تُجري أي تدخلات تجميلية كما يعتقد البعض.
ونشرت مروة عبد المنعم، صورة لها عبر حسابها الشخصي بموقع فيس بوك، وعلقت عليها قائلة: فيه ناس فاكرة إني عملت تجميل، وكتير جدًا مبيعرفونيش وبيقولولي عملتي إيه في نفسك، حتى أنا نفسي لو حد قالي معملتش حاجة يمكن ماصدقهوش، لكن دي الحقيقة والله. أنا معملتش أي حاجة غير إني لاقيت نفسي وقويتها ووقفت جنبها وحبيتها.
وأوضحت أنها مرت بظروف صعبة ومحن قوية جعلتها تعيش حالة من الاكتئاب والصدمات النفسية، لكنها اعتبرت ذلك سببًا في تحولها للأفضل، مضيفة: بشكر الظروف اللي عدّيت بيها والناس اللي خذلوني، وبشكر ربنا اللي أهداني المحنة دي عشان تنقذني وتعلّمني وتوريني حقايق.
واختتمت حديثها قائلة: أنا معملتش أي حاجة غير إني رجعت لنفسي وقلت لها ما تزعليش.. الخلاصة إن في كل محنة منحة لحياة أفضل.
تصريحات مروة عبد المنعم
وكانت تعرضت الفنانة مروة عبد المنعم، لموجة انتقادات شديدة، بسبب حديثها عن الحجاب، حيث قالت في تصريحات تليفزيونية سابقة: أنا مؤمنة بعبادة جبر الخواطر لأن العبادة مش صوم وصلاة بس، والحجاب فرض والناس كفرتني ودخلوني النار لأني مش محجبة، وأنا مؤمنة إني هتعاقب على الحجاب ولكن يمكن قبل ما أموت بيوم اتحجب، وأتمنى إني أموت وأنا مقضية كل فروضي ومحجبة، وجت عليا فترة قلت إني هتحجب ولكني خفت يكون ده قرار نتيجة خنقة وبعدين أقلعه بعد كده، ويا رب أموت محجبة وشهيدة.
