أم سجدة في التحقيقات: معملتش فلوس من التيك توك والدهب اللي بطلع بيه صيني
وجهت جهات التحقيق للبلوجر أم سجدة عدة اتهامات، من بينها تعمد مضايقة الغير عن طريق إساءة استخدام أجهزة الاتصالات، وصنع ونشر مقاطع مرئية عبر مواقع التواصل الاجتماعي خادشة للحياء العام، لكن المتهمة أنكرت تمامًا هذه الاتهامات، وأكدت أن فيديوهاتها عادية ولا تقصد منها أي إساءة.
اعترافات البلوجر أم سجدة
وقالت المتهمة أم سجدة في اعترافاتها أمام جهات التحقيق، إن كل الفيديوهات التي تقدمها عبر مواقع التواصل الاجتماعي لا يوجد بها شيء خارج، وليس لها علاقة بخدش الحياء.
وأكدت أنها مجرد فيديوهات للمزاج، أو للدعاية والإعلانات.
تحقيقات قضية البلوجر أم سجدة
وأضافت أم سجدة أمام جهات التحقيق: العربية اللي معايا دي هي الوحيدة اللي عندي، مش عندي شقق ولا ممتلكات، وطليقي هو اللي جابهالي زمان وإحنا متجوزين.
وأضافت البلوجر أم سجدة في التحقيقات: بصرف في الشهر حوالي 10 آلاف جنيه، ومعايا حساب في بنك القاهرة فاضي مفيهوش فلوس، ومحفظة اتصالات كاش فيها حوالي 30 ألف جنيه، ودي فلوس جاتلي من إعلان عملته.
تفاصيل تحقيقات البلوجر أم سجدة
وأكملت البلوجر أم سجدة: أنا بحوش فلوسي في المحفظة بس، ومعنديش شغل تاني بعمله، بس ساعات متابعين يبعتولي فلوس بسيطة، وفي ناس بتديني هدايا عشان التسويق.
وأكدت البلوجر أم سجدة في تحقيقات قضية خدش الحياء وغسل الأموال: كان ليا قضية إدخال ممنوعات قبل كده في قسم السيدة زينب لكن أخدت فيها براءة.
وأكملت: الناس كلها عارفاني باسم أم سجدة، والفيديوهات دي بتاعتي، أنا اللي بعملها بس مفيهاش أي ألفاظ خارجة ولا بطلع عريانة، وأنا بنزلها على النت للهزار أو للإعلانات، والدهب اللي ظهرت بيه ده كله دهب صيني مش أصلي.
وأكملت أم سجدة في اعترافاتها أمام جهات التحقيق: في ناس بتعمل فيديوهات أكتر مني وأشد مني ومحدش بيكلمهم، وأنا عمري ما قلت لفظ خارج، وفيديوهاتي عادية ومش بضايق حد بيها، ولا عمري عملت فيديوهات خادشة للحياء ولا بقصد أبيعها أو أتاجر بيها.
