شريف إدريس يكشف لأول مرة سبب طرد عادل إمام لفنان شهير من مسرحية بودي جارد: دخل المسرح معاه واحدة غريبة
تحدث الفنان شريف إدريس، عن كواليس مسرحية بودي جارد، للنجم عادل إمام، كاشفا حقيقة شائعة طرده لأحد الممثلين لأنه أكثر طرافة منه.
شريف إدريس يكشف لأول مرة سبب طرد عادل إمام لـ فنان شهير من مسرحية بودي جارد
وكتب شريف إدريس، منشورًا عبر حسابه الشخصي بموقع التواصل الاجتماعي فيس بوك، قال فيه: فيه ممثل زميل كبير سنًا.. بقاله فترة طويلة جدًا كل ما يطلع في لقاء يقول إن الأستاذ عادل إمام مشاه من مسرحية بودي جارد علشان كان بيضحك أكتر منه، طيب لأول مره هحكي الواقعة اللي حضرها ناس كتير عايشين معانا في الدنيا.
وأضاف شريف إدريس: في واحدة من ليالي العرض الجميلة الزميل الممثل كتب رقمه في ورقة وحدفها لواحدة معجبة في الصالة خلال تحية العرض، شافه حد من بتوع أمن المسرح وراح بلغ الأستاذ عادل إمام، تاني يوم كان أستاذ عادل قبل العرض بيقعد يوميًا في الأوضة اللي بقعد فيها أنا وزميلي الممثلين بنقعد ندردش شوية قبل العرض.
وواصل شريف إدريس: فجأة الزميل دخل من باب المسرح ومعاه واحدة غريبة وفي حالة لا يرثى لها هما الاثنين، فالأستاذ عادل قال لمساعده مين دي وعرف أنها نفس الشخصية اللي حدفلها الرقم فبعت جابه وقام معاه بالواجب، وطبعا أستاذ عادل أخد موقف في لحظتها ودي كانت آخر ليلة عرض لهذا الزميل الممثل في مسرحية بودي جارد.
واختتم شريف إدريس: أنا أول مرة أحكي الواقعة بس حقيقي الوضع بقى مستفز وياريت الزميل الممثل يحترم سنه وعيب إنه يطلع يكذب على الناس.
