بعد تصريحات رضا حامد.. شريف إدريس: بيفتري على الزعيم في البرامج.. ولو تطاولت عليه يقاضيني
رد الفنان شريف إدريس على تصريحات الفنان رضا حامد، بشأن واقعة طرد الزعيم عادل إمام له، من مسرحية بودي جارد، قائلًا إن الزعيم طرد حامد بسبب عدم التزامه، والواقعة شاهد عليها العديد من زملائه في الوسط الفني.
وقال شريف إدريس، عبر حسابه الشخصي على فيس بوك: طيب آخر حاجة هكتبها في موضوع الزميل، رقم واحد أنا لما اتطاول عليه بحرف، ثانيا يشهد الله أنني لم أفتري عليه بحرف، لو هو شايف إني افتريت عليه في حرف واحد يروح يقاضيني، وأنا مستعد أجيب المسرح كله يشهد على الواقعة.
وتابع شريف إدريس: أظن في التعليقات في المنشور اللي فات فيه ناس كانت حاضرة الواقعة، كتبت تعليقات توكد حدوثها، وأنا مستعد لكتابة أسامي كل من حضر الواقعة من الزملاء الفنانين، ومستعد أعملهم تاج ومينشن في المنشور، بس أنا مش عايز أحرج حد، وأنا لما كتبت البوست اللي فات كتبته من كتر ماشوفته في برامج بيطلع يكذب ويفتري على أستاذ عادل إمام، وده كله موجود على يوتيوب وجوجل.. شكرًا لحضراتكم الموضوع بالنسبالي اتقفل تمامًا.
ومن جانبه، قال رضا حامد في تصريحاته مع القاهرة 24: أنا الحمد الله ملتزم ومعرفش حاجة اسمها سُكر وعارف ربنا وبصلي الفرض في معاده، والناس دايمًا بتقولي إنت فنان محترم.
