أقوال صديق المجني عليه في واقعة اعتداء طفل المرور: واحد منهم ضرب يوسف على رأسه وفقد الوعي
كشفت التحقيقات في قضية اتهام طفل المرور و2 آخرين، باستعراض القوة والعنف وإصابة شاب أمام مدرسة بالمقطم، تفاصيل الواقعة.
أقوال صديق المجني عليه ضحية اعتداء طفل المرور
وحصل القاهرة 24 على نص التحقيقات، حيث جاءت أقوال أحد ضحايا اعتداء طفل المرور، أمام جهات التحقيق بعد سؤاله ما كيفية حدوث إصابتك تحديدا؟
أجاب: اللي حصل إن في مشكلة بين واحد صاحبي اسمه محمود وتوني واتخانقوا مع بعض وكان من يوم الثلاثاء وأنا حضرت الموضوع ده بس مكنش ليا علاقة بيه وبعدين امبارح كنت ماشي مع اصحابي وكنا جنب بيت يوسف صاحبنا وكان معانا محمود وكنا داخلين المدرسة لاقينا عربية مرسيدس رقمها ج ك و- ١٧٥٤ دخلت علينا ونزل منها توني اللي محمود كان متخانق معاه واتنين كمان وواحد منهم عرفت ان اسمه احمد أبو المجد معاه عصاية بيسبول واللي سايق العربية بس معرفش اسمه وبعدين راح توني مسك في محمود صاحبنا وبداء يضرب فيه.
وأضاف، بعدها روحت احوش عنه راح محمود بعد وتوني ده مسك فيا ضربني وانا كنت بحوش عن نفسي وساعتها يوسف كان معانا وراح احمد ضربه في راسه ووقع اغم عليه وبعدين راح ضربني بالعصاية في راسي وفي صدري وراحوا واخدين العربية ومشيوا وساعتها قالوا البعض ان يوسف ده شكله مات وساعتها الناس ودت يوسف المستشفى وانا روحت المستشفى عملت تقرير وهو ده كل اللي حصل.
س: متي وأين حدث ذلك؟
ج: الكلام ده حصل يوم ٢٠٢٥/٥/٢١ الساعة 8 صباحا في شارع 9 جنب مدرسة الراعي الصالح المقطم.
س: ما سبب ومناسبة تواجدك بالزمان والمكان سالفي الذكر؟
ج: احنا اتقابلنا عند بيت يوسف لأنه جمب المدرسة وكنا رايحين المدرسة عشان كان عندنا امتحان.
س: من كان برفقتك آنذاك؟
ج: أنا كان معايا أصحابي محمود وادم ويوسف وزياد وعمر وساعتها جيه توني ومعاه أحمد أبو المجد واللي سابق العربية ده معرفش اسمه.
س: ما الذي استرعي انتباهك لأول وهلة؟
ج: انا لما كنت ماشي مع اصحابي وكنا جنب بيت يوسف صاحبنا وكان معانا محمود اللي كان معاه مشكلة مع توني وكنا داخلين المدرسة لاقينا عربية مرسيدس رقمها ج ك و- ١٧٥٤ دخلت علينا ونزل منها توني واتنين كمان.
س: ما الذي بدر من سالفي الذكر آنذاك؟
ج: لقيت توني مسك في محمود وأنا كنت وراء محمود علي طول وواحد منهم عرفت إن اسمه أحمد أبو المجد معاه عصاية بيسبول واللي سايق العربية بس معرفش اسمه ولما توني مسك في محمود صاحبنا وبدأ يضرب فيه.
س: ما الذي بدر منك حيال ذلك؟
ج: جيت احوش عنه راح محمود بعد وتوني ده مسك فيا ضربني وانا كنت بحوش عن نفسي.
