ضحية اعتداء طفل المرور: فوجئت بواحد معاه عصا بيسبول بيجري عليا وضربني بيها على رأسي
كشفت التحقيقات في قضية اتهام طفل المرور و2 آخرين، باستعراض القوة والعنف وإصابة شاب أمام مدرسة بالمقطم، تفاصيل الواقعة.
أقوال المجني عليه ضحية اعتداء طفل المرور
وحصل القاهرة 24 على نص التحقيقات، حيث جاءت أقوال المجني عليه ضحية اعتداء طفل المرور، أمام جهات التحقيق بعد سؤاله ما هي تفصيلات حدوث إصابتك؟، كما يلي:
ج: اللي حصل إن أنا كنت نازل من البيت بتاعي وكنت متفق مع صحابی محمود ونصر هنروح المدرسة بتاعنا عشان نمتحن أول امتحان، وبعدين لقيت عربية مرسيدس وقفت قدام البيت بتاعي بالظبط وأنا مكنتش أعرف فيهم حد غير طوني أخو روزاليندا، ولقيت واحد منهم ماسك في إيده عصاية بيسبول، وبعد كده لقيته مرة واحدة قرب مني وضربني ضربة واحدة في جنبي الشمال، وأنا حاولت أبعده لقيته لف بجسمه وضربني على راسي ضربة واحدة ناحية اليمين، وقعت على الأرض ومش فاكر إيه اللي حصل لحد ما فوقت في المستشفى وهو ده كل اللي حصل.
س: متى وأين حدث ذلك؟
ج: الكلام ده يوم 21 / 5 / 2025 الساعة 7:55 صباحا أمام بيتي.
س: ما سبب ومناسبة تواجدك بالمكان والزمان سالفي الذكر؟
ج انا كنت نازل من البيت ورايح مدرسة عشان عندى امتحان.
س: من كان برفقتك آنذاك؟
ج أنا كان معايا محمود ونصر.
س: ما هي الحالة التي أبصرت عليها المتهمين لأول وهلةظ
ج أنا لقيت عربية مرسيدس وقفت ولقيت طوني ومعاه اتنين كمان معرفهمش نزلو من العربية وطوني شاور براسه ناحية
محمود وقال للي معاه على محمود.
س: ما هي أفعال المادية التي قام بها المتهمون تحديدا؟
ج أنا لقيت طوني جرى ناحية نصر وبدا يتعدى عليه بالضرب وأنا لقيت التاني اللي ماسك العصايا جه عليا وضربني ضربة على جنبي الشمال، وبعدها لف وضربني على راسي من ناحية اليمين وبعد كده أنا وقعت على الأرض.
