نفسي أقرب من ربنا وهذا سبب هروبي من البيت.. أبرز تصريحات أحمد سعد مع منى الشاذلي
فن
أحمد سعد
تصدر المطرب أحمد سعد، محركات البحث على مواقع التواصل الاجتماعي بعد تواجده ضيفًا على الإعلامية منى الشاذلي ببرنامجها معكم المذاع على شاشة قناة On، وتحدث سعد عن الكثير من الجوانب الشخصية والفنية، مؤكدًا أن أمنيته الأكبر هو التقرب من الله.. ونستعرض لكم في السطور التالية أبرز تصريحاته:
ملخص تصريحات أحمد سعد مع الإعلامية منى الشاذلي
- كنت حابب جدا أروح لطبيب نفسي، عشان أكتشف شخصيتي، كنت مش مستمتع رغم إن عندي كل العوامل اللي المفروض تخليني سعيد، لكن كنت تايه ومش لاقي نفسي.
- مكنتش عارف أنا الشخص المتدين، ولا اللي مش متدين، دي طريقتي في اللبس ولا لأ؟
- كان عندي تساؤلات كتير محتاجة إجابة، وكنت بعيش بشخصية مش بتاعتي عشان أرضي النا
- كنت دايما بحاول أرضي الناس على حساب نفسي، وده خلاني أفقد الاتصال بشخصيتي الحقيقية.. وكنت فاكر إن ده اللي هيخليني محبوب، لكنه خلاني تايه أكتر.
- بسبب شغلي كان عندي حاجة اسمها حب الظهور.. كنت دايما بحب أكون في الصدارة، أهزر جامد وأكون الجوكر في أي قعدة
- ده دخلني في أزمة حقيقية، وخلاني مش قادر أشوف الحاجات الحلوة اللي عندي.
- كان في خلاف بيني وبين أهلي بسبب حبي للفن، وكنت وقتها عندي 14 سنة، واخترت إني أروح أغني في الأفراح وهربت من البيت
- كنت بخاف أتعب أو أفقد الوعي لأن محدش هيعرف أنا فين أو مالي.
- لو الزمن رجع بيا مكنتش سبت البيت، والمتعة مش في النجاح ولا في الناس، المتعة الحقيقية إنك تكون ذاتك
- أكتر حاجة ببحث عنها دلوقتي هي إني أقرب من ربنا.. مش عايز أي حاجة تانية، لا شهرة ولا نجاح. كل اللي بدور عليه هو السلام النفسي
