والدة الزوج ضحية واقعة دلجا: مرات أبوهم سمتهم وخلصت عليهم.. أنا عايزة حق الـ7 اللي ماتوا
حضرت والدة نصر محمد، الزوج ضحية واقعة دلجا بمحافظة المنيا، أولى جلسات محاكمة هاجر عبد الكريم المتهمة بإنهاء حياة صغار دلجا ووالدهم.
وقالت على هامش الجلسة: مرات أبوهم سمتهم وخلصت عليهم.. أنا عايزة القانون يجيب حق الـ7 اللي ماتوا.
والدة الزوج ضحية واقعة دلجا: مرات أبوهم سمتهم وخلصت عليهم.. أنا عايزة حق الـ7 اللي ماتوا
وانطلقت منذ قليل بمحكمة جنايات المنيا، أولى جلسات محاكمة هاجر عبد الكريم المتهمة بإنهاء حياة صغار دلجا الـ6 ووالدهم بقرية دلجا بمركز ديرمواس في المنيا، وتشهد المحاكمة مواجهة قوية بين هيئة المحكمة والمتهمة.
وحصل القاهرة 24 على نص التحقيقات في قضية مقتل صغار ووالدهم واستمعت جهات التحقيق لأقوال المتهمة وهي زوجة الأب الثانية وجاءت كالآتي: اللي حصل إن جوزي رجع أم هاشم في البيت اللي اشتراه جديد بعد رمضان اللي فات وكان بيقعد عندي أسبوع وعند أم هاشم أسبوع وإنه في يوم الأحد 2025-7-6 جالي ناصر وكان معاه محمد ابنه ودخل البيت وطلب منى إني أأكل محمد.
وأضافت: فأنا عملت بامية وكان فيه ربع رغيف عيش شمسي أنا كنت خبزاه قبل كده وكان فيه علبة فاضية لونها أبيض قد كف الإيد بتاعة مبيد كانت مرمية على السطح كان ناصر جابها ورماها على السطح بعد ما استخدمها، وأنا حطيت فيها مية ورجتها وحطيت منها كام نقطة على العيش من ناحية قلب العيش.
وأكملت: اديتهم لمحمد وأكل ربع الرغيف كله والبامية وبعد كده جوزي ناصر مشي ومحمد أكل ونزل من البيت وبعدها بيومين عرفت إن محمد تعب وعنده سخونة بس وعرفت الكلام ده لما أبو ناصر اتصل بيه وهو معايا عند دكتور النساء وقاله إن محمد تعبان.
