وفاء عامر عن معرفتها بـ أم مكة وأم سجدة: كلنا ولاد تسعة ومابكسرش بخاطر حد
كشفت الفنانة وفاء عامر، تفاصيل معرفتها بـ التيك توكرز أم مكة وأم سجدة، التي عرضتها لانتقادات لاذعة من الجمهور على السوشيال ميديا، خاصة أنهما ليستا من المجال الفني.
وقالت وفاء عامر في برنامج كلمة أخيرة مع الإعلامي أحمد سالم: أم سجدة عمري ما شفتها في الحقيقة كلمتها في التليفون مرة، كل اللي قولتلهولها ده مش شكل الست المصرية ولازم توطي صوتك، وأم مكة عرفتها عشان بحب الفسيخ وفي العزومات بتيجي تخدّم وبتتصور معايا ومبكسرش بخاطرها، ولا بتعامل بتعالي مع الناس، كلنا ولاد تسعة.
وتابعت وفاء عامر في حديثها عن أم مكة: بقول للناس اتقوا الله فيها دي محبوسة بالقانون، وعندها عيال وعيال أخوها ومسؤولة عن عيلة، واللي بيظلموها بقولهم بتناموا كويس؟ بتغمضوا عنيكم؟
كما كشفت وفاء عامر، سبب دخولها عالم التيك توك، قائلة: دخلت التيك توك من 3 سنين لما جالي شباب بيجمعوا تبرعات لحالة طفلة مريضة، وافقت وفتحت لايفات وجابت 9 مليون، قولتلهم سيبولي البنت وهفتح لايفات تاني، وفي خلال 4 ساعات كنت جبت 48 مليون جنيه، عن طريق أرقام حسابات التبرعات اللي كنت بنزلها.
تصريحات وفاء عامر
وتحدثت لأول مرة وفاء عامر عن بناؤها مسجد وبه وحدة غسيل كلوي، قائلة: عملاهم لمين لبلدي ومن خير بلدي، وده من فلوسي أنا واعتبرته لوجه الله ومتكفله بيه، هعمل جهاز تاني لغسيل الكلى في إمبابة بعد شهر، عشان أبقى قدوة والمفروض إحنا الفنانين اللي بنتشتم، وأول مرة أقول وحلمت أنه مسجد 3 أدوار وفعلا كده وعمري ما روحته.
