سر الصوص الأصفر اللذيذ.. طريقة عمل الليمون المعصفر باحتراف

قد تعتقد ربات البيوت أن طريقة عمل الليمون المعصفر، من الوصفات الصعبة أو التي تحتاج إلى مكونات صناعية للحصول على الطعم المميز والصوص الأصفر المزبد، ولكن الأمر يتضح من خلال وصفات الشيفات المختلفة، وأسرار الحفاظ عليه بعد النضج التي تجعل طعمه شهيًا حتى آخر قطعة في البرطمان. تعتمد طريقة عمل الليمون المعصفر، على خطوات سهلة وبسيطة، وبعض المكونات التي يتم شرائها من العطار بكميات قليلة لكنها أساسية في الحصول على الطعم والصوص الشهي. وعبر القاهرة 24 نتعرف على طريقة عمل الليمون المعصفر وكيف يحافظعليه بعيدا عن الريم الأبيض وتغير القوام.

طريقة عمل الليمون المعصفر

تتميز طريقة عمل الليمون المعصفر، بالطعم الرائع الذي يفتح الشهية،ويتناسب للتقديم مع العديد من الأطعمة على جميع الموائد، سواء في الإفطار أو الغداء أو العشاء، وهو من المخللات الغنية بالفوائد وأبرزها غناه بفيتامين سي. 

في الوصفة التالية نتعرف على الطعم خرافي والخلطة التي تعد أحلى من المحلات، من خلال طريقة عمل الليمون المعصفر خطوة بخطوة مع الشيف فاطمة أبو حاتي:

مقادير الليمون المعصفر

•  1 كيلو ليمون كبير خشن ذو قشرة سميكة
•  2 لتر ماء مغلي
•  1 كوب ملح
•  ¼ كوب حبة البركة
•  ¼ كوب عصفر
•  ¼ كيلو فلفل أحمر مطحون
•  1 ملعقة صغيرة كركم
•  ¼ كوب خل أبيض
•  فلفل أصفر حار (حسب الرغبة)
•  ماء بارد مثلج
•  زيت نباتي للتغطية

 طريقة عمل الليمون المعصفر

•   اختاري ليمون كبير خشن بقشرة سميكة.
•  اغسليه جيدًا وصفيه.
•  ضعي الليمون في ماء مغلي لمدة 15 دقيقة.
•  اختبري النضج بإدخال شوكة؛ إذا دخلت بسهولة، فهو جاهز.
•  انقليه فورًا إلى ماء مثلج لمدة ساعة لوقف التسوية.
•  قطّعي الفلفل الأصفر إلى قطع صغيرة.
•  اختاري نوع خفيف الحِرقة ولونه فاتح.
•  في وعاء، اخلطي 2 لتر ماء + كوب ملح + ¼ كوب حبة البركة + ¼ كوب عصفر.
•  أضيفي الفلفل الأحمر المطحون والكركم.
•  ذوّبي الملح جيدًا، ثم أضيفي الخل وقلّبي.
•  في برطمان نظيف، ضعي طبقات من الليمون والفلفل.
•  كبّسيهم جيدًا.
•  صبّي المحلول الملحي حتى يغطي المخلل تمامًا.
•  اتركي 2 سم في الأعلى، واملئيهم بزيت نباتي.
•  أغلقي البرطمان بإحكام.
•  اتركيه في مكان معتدل الحرارة لمدة 3 أيام فقط.
•  بعد ذلك، يصبح جاهزًا للتقديم

طريقة عمل الليمون المعصفر والجزر

وصفة مخلل الليمون الأصفر بالعصفر والجزر للشيف هالة فهمي أيضًا من أشهر وصفات تخليل الليمون، ويكثر شرائها من الخارج، لذلك اتبعي الخطوات التالية مع الاهتمام بشروط التخزين والتناول نهاية الوصفة: 

مقادير طريقة عمل الليمون المعصفر

•  1 كيلو ليمون أصفر كبير وطري
•  2–3 ملاعق كبيرة خل أبيض للنقع
•  جزر مبشور + شرائح جزر
•  ¼ كوب عصفر
•  1 ملعقة كبيرة حبة البركة (ما تزوديش عشان ما تغمقش الليمون)
•  2–3 قرون فلفل رومي أحمر (ممكن تضيفي قرن فلفل حامي حسب الرغبة)
•  زيت نباتي
•  ماء سلق الليمون
•  ماء مغلي ومبرد (كوبين)
•  ملح (لكل كوب ماء ملعقة كبيرة مليانة)

طريقة عمل الليمون المعصفر

•  اغسلي الليمون كويس جدًا ونشفيه.
•  انقعيه في ماء وخل (2–3 ملاعق خل) لمدة 15 دقيقة.
•  اشطفيه بعد النقع ونشفيه تاني.
•  افتحي كل ليمونة من عند السرة بعلامة زائد (+) بدون ما توصلي للآخر.
•  ضعي الليمون في ماء مغلي.
•  أول ما يبدأ يغلي تاني بعد ما تهدى الحرارة، احسبي 9 دقائق بالضبط.
•  صفيه في مصفاة واغسليه بماء بارد فورًا عشان يبرد قلبه وما يتهريش.
•  في الكبة، اخلطي الفلفل الرومي (وممكن الحامي) مع الجزر المبشور.
•  أضيفي العصفر، حبة البركة، وزيت نباتي.
•  قلّبيهم كويس جدًا.
•  احشي كل ليمونة بالخلطة من الداخل.
•  رتّبي الليمون في برطمان نظيف، وضيفي شرائح الجزر وقرن فلفل حامي مقطع لو بتحبي الحِرقة.
• في برطمان اخلطي كوبين ماء مغلي ومبرد + كوبين من ماء سلق الليمون.
•  لكل كوب ماء، أضيفي ملعقة كبيرة ملح.
•  قلّبي الملح كويس جدًا لحد ما يدوب.
•  صبي ماء التخليل فوق الليمون في البرطمان.
•  غطيه كويس جدًا، وسيبيه في مكان معتدل الحرارة لمدة 3–4 أيام.
•  لو لقيتي الليمون لسه مش طري، سيبيه يومين كمان.
•  لحفظ الليمون وعدم تكون ريم أبيض، لو غطا البرطمان مش محكم، حطي كيس بلاستيك تحت الغطا.
• لا تخرجي الليمون المعصفر من البرطمان بإيدك، استخدمي ملعقة نظيفة وجافة.
•  طبقة الزيت على الوجه تحافظ على المخلل، زوديها لو قلت.
•  لو بتحبي المخلل حامي، زودي قرن فلفل حامي مقطع.
•  لا ترجعي المخلل الزائد إلى البرطمان حتى لا يفسد.
•  خزّنيه في مكان جاف ومعتدل بعيدًا عن الشمس