أول تعليق لـ شقيقة مسلم بعد اتهامه لها بالتسبب في طلاقه من يارا تامر
علقت آية زكريا، على اتهام شقيقها مؤدي المهرجانات الشعبية مسلم، لها بالتسبب في طلاقه من زوجته يارا تامر، بعد نشوب العديد من الخلافات بينهما منذ زواجه شهدتها مواقع التواصل الاجتماعي.
وكتبت شقيقة مسلم، عبر حسابها بموقع انستجرام: كفاية تمثيل وتجيب سيرتنا، معرفش هتبقى راجل إمتى هو أنت بتأكلنا؟ أوعى تفكر أننا هنسكت عن حقنا، وأوعدها لما تطلق بجد هطلع فضيحتها بـ إثباتات.
طلاق مسلم ويارا تامر
وأعلن منذ قليل مؤدي المهرجانات مسلم، طلاقه من زوجته يارا تامر، بعد 4 أشهر فقط من الزواج، حيث كتب عبر حسابه بـ انستجرام: تم الطلاق بيني وبين مراتي ودا بسبب مشاكل أهلي وفضحتني قدام الناس حسبي الله ونعم الوكيل في اللي كان السبب وخلي بينا مشاكل وكلام زي الزفت في السمعة والشرف والأعراض وحلم وحدة أنها تعيش مبسوطة لا أكثر ولا أقل ومش مسامح أختي ولا أمي ولا أخواتي كلهم بجد على كل حاجة وصلوني ليها أنا بجد بعد الست دي مفيش ست هتخش حياتي تاني وشكرا أوي على الظروف.
أول تعليق لـ يارا تامر بعد طلاقها من مسلم
وكانت أوضحت يارا تامر، في منشورها عبر انستجرام، أن السبب الرئيسي في طلاقها من مسلم، هو نشوب خلافات رفقة عائلته، قائلة: تم الطلاق بيني وبين مسلم، وبجد حسبي الله ونعم الوكيل فيكم، ربنا ينتقم منكم، أنا عارفة أني مكنش المفروض أطلع أتكلم بس معنديش حاجة أغلى من كرامتي وشرفي قدام الناس.
وتابعت طليقة مسلم: أنا أهو بعدت يمكن ترتاحوا وتسيبوني في حالي، للعلم أنا من يوم ما اتجوزت مسلم كانت هي دي مشكلتنا غير كده مكنش في أي مشاكل بينا، وشهادة حق أنه عمره ما زعلني وكان دايمًا واقف في ضهري، بس أنا اتظلمت كتير ومش مسامحة.
