محصلش وأذتني في أكل عيشي.. مديرة حضانة عين شمس تكشف حقيقة رفض قبول ابنة إبراهيم شيكا
أثار رفض إحدى الحضانات بعين شمس قبول ابنة لاعب نادي الزمالك الأسبق إبراهيم شيكا، حالة جدل واسعة عبر منصات التواصل الاجتماعي.
مديرة حضانة عين شمس تكشف حقيقة رفضها لإبنة إبراهيم شيكا
وكشفت مديرة الحضانة عن تفاصيل الواقعة التي أثارت جدلًا واسعًا خلال الساعات الماضية، قائلا: كل اللي زوجة شيكا قالته واتنشر على السوشيال ميديا كذب ومحصلش لأنها افترت علينا بقصة مختلقة تمامًا، اللي حصل أن مفيش أي ولية أمر بتيجي الحضانة لما مش بكون هناك ودي تعليمات أنا محدداها للمشرفين.
وتابعت خلال حديثها لـ القاهرة 24: رغم أن زوجة شيكا كلمتني على الواتساب وعرفتني بنفسها قبل كده قولتلها اتفضلي تعالي وتنوري، ولما جت في الوقت اللي أنا مش فيه المشرفة قالت نفس الرد اللي بتقوله لكل الأمهات مش ليها هي بس، فهي خدت الكلام عملت منه قصة مختلقة وقلبت بيها السوشيال ميديا وشوهت سمعة الحضانة وأذتني في أكل عيشي، وبعد المشكلة تواصلت معاها إنما اتفاجئت أنها بتقولي خلاص مش عايزة تدخل بنتها الحضانة.. وإننا رفضنا بنتها بشكل مباشر بسبب الشائعات على السوشيال ميديا.
